U aŭtorak z Połacku ŭ Rosicu (Drysienski rajon) — miesca pakutnickaj śmierci biełaruskich ksiandzoŭ‑maryjanaŭ Antonija Laščeviča dy Jurja Kašyry — vyjšła trydycyjnaja pilihrymka.
Siońnia z Połacku ŭ Rosicu (Drysienski rajon) — miesca pakutnickaj śmierci biełaruskich ksiandzoŭ‑maryjanaŭ Antonija Laščeviča dy Jurja Kašyry ‑‑ vyjšła trydycyjnaja pilihrymka.
Sioletniaja pilihrymka vośmaja pa liku, i ŭ joj biaruć udzieł 80 viernikaŭ z Połaččyny, a taksama z Hłybokaha, Viciebsku, Łyntupaŭ dy inšych haradoŭ i miastečak. Zaŭtra jašče adna pilihrymka vypravicca ŭ Rosicu z Drui — centru biełaruskich maryjanaŭ, a ŭčora z Voršy 20 maładych viernikaŭ vyjechali tudy na rovarach.
U pilihrymcy ŭdzielničajuć vierniki jak łacinskaha, tak i ŭschodniaha katalickaha abradaŭ. Heta ŭ asnoŭnym moładź. Ale rušyli ŭ dalokuju darohu j ludzi stałaha vieku, u tym liku 76‑hadovaja Taresa Miłaševič — śviedka Rosickaj trahiedyi.
Ksiandzy Antoni Laščevič dy Juryj Kašyra zaznali śmierć razam z žycharami Rosicy. U lutym 1943 hodu karniki z Łatyskaha lehijonu zahnali ludziej hetaj vioski ŭ adrynu i spalili žyŭcom. Papa Rymski Jan Pavał II dałučyŭ ksiandzoŭ da liku śviatych, i z hetaj nahody na miescy Rosickaj trahiedyi ładziacca štohadovyja ŭračystaści. Sioleta jany pačnucca 10 žniŭnia. U ich voźmuć udzieł vyšejšyja kaścielnyja dastojniki ź Biełarusi, a taksama hości z Vatykanu, Polščy, Litvy, Łatvii dy inšych krainaŭ.
Kamientary