Raniej Ministerstva nazvała «destruktyŭnymi» sajty, jakija apublikavali hetuju navinu.
Zatrymany načalnik hałoŭnaha ŭpraŭleńnia ŭłasnaj biaśpieki Ministerstva ŭnutranych spraŭ Respubliki Biełaruś padpałkoŭnik milicyi Uładzimir Krotaŭ. Ab hetym paviedamili ŭ Ministerstvie ŭnutranych spraŭ.
Na padstavie sabranych i nakiravanych u Śledčy kamitet materyjałaŭ, u dačynieńni da Krotava zaviedziena kryminalnaja sprava pa prykmietach złačynstva, praduhledžanaha č.2 art.426 Kryminalnaha kodeksa (pieravyšeńnie ŭłady abo słužbovych paŭnamoctvaŭ, učynienaje z karyślivaj ci inšaj asabistaj zacikaŭlenaści), havorycca ŭ infarmacyi, źmieščanaj na sajcie MUS.
Cikava, što 16 sakavika Ministerstva ŭnutranych spraŭ Biełarusi abvierhła infarmacyju ab zatrymańni Krotava. «16 sakavika 2013 hoda ŭ internecie na destruktyŭnych resursach było raźmieščana paviedamleńnie ab nibyta zatrymańni i aryšcie načalnika hałoŭnaha ŭpraŭleńnia ŭłasnaj biaśpieki Ministerstva ŭnutranych spraŭ Respubliki Biełaruś padpałkoŭnika milicyi Uładzimira Krotava», — havaryłasia ŭ paviedamleńni, raźmieščanym na sajcie milicejskaha viedamstva.— Ministerstva ŭnutranych spraŭ aficyjna zajaŭlaje, što hetaja infarmacyja nie adpaviadaje rečaisnaści». MUS adznačała, što «raspaŭsiudžvańnie niedakładnaj, a časam i łžyvaj infarmacyi na tak zvanych «apazicyjnych»
Zychodziačy z takoj łohiki, i sajt MUS paśla siońniašniaha paćviardžeńnia zatrymańnia Krotava trapiŭ u šerahi «destruktyŭnych». Zrešty, raniejšy pres-reliz z sajta MUS źnik.
Zatym BiełTA u Śledčym kamitecie skazali, što Krotava zatrymali ŭ aŭtorak, 19 sakavika.
Ciapier čytajuć
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram25
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi2424
Kamientary