Kapitan «Homiela»: «U nas nichto nie pytaŭsia pra movu na futbołkach»
Učora źjaviłasia infarmacyja, što futbalisty «Homiela» admovilisia ad taho, kab proźviščy na ich majkach pisalisia na biełaruskaj movie.
Taki adkaz pryjšoŭ hramadskamu aktyvistu Ihara Słučaku. Adkaz za podpisam dyrektara kłuba Jaŭhiena Pabałaŭca źmiaščaŭ tłumačeńnie, što sami futbalisty vykazalisia za ruskuju movu. Takoje rašeńnie hulcoŭ ahučyŭ hałoŭny trenier Alaksiej Miarkułaŭ. Taksama za ruskuju nibyta i sponsary kamandy.
A voś kiraŭnictva «Homiela» i balelščyki za biełaruskuju movu. Na staroncy zaŭziataraŭ kłuba «Ukantakcie» za biełaruskuju prahałasavała bolš za 70% naviedvalnikaŭ.My vyrašyli patelefanavać hulcam «Homiela», kab daviedacca, čamu jany vykazalisia za rasiejskuju, a nie biełaruskuju movu.
Najbolš daśviedvačany futbalist «zialona-biełych» Hienadź Bliźniuk zaraz znachodzicca na lačeńni ŭ Minsku.
«Navat nie viedaju, jak heta kamientavać. Asabista ja ni ŭ jakim hałasavańni nie ŭdzielničaŭ.Ale ciapier ja nie ŭ Homieli. Nu, moža, sapraŭdy bolšaść zachacieła, kab było pa-rasiejsku. Patelefanujcie kapitanu Siarhieju Kancavomu».
Słuchajemsia parady, nabirajem numar Siarhieja.
«Sam tolki što pračytaŭ hetuju navinu ŭ internecie. Skažu adno, što ŭ nas nichto pra heta nie pytaŭsia».«Naša Niva»: A kali b spytalisia, to što adkazali?
SK: Mnie niejak ŭsio adno, na jakoj movie budzie napisana na majcy.
Ciapier čytajuć
Pratasievič znoŭ ženicca — ciapier z tarołaham Nastaśsiaj, jakaja pracavała ŭ elitnym miedcentry «Miersi»8
Kamientary