Pasolstva admoviła ŭ vizie biełaruskamu muzyku, bo jon aficyjna nie pracaŭładkavany.
Muzyka padavaŭ dakumienty na šaścidzionnuju vizu, kab trapić na imprezu, jakuju 1 červienia ładziać biełarusy Vialikabrytanii. 31 maja Vajciuškievič atrymaŭ admovu.
«Sprava ŭ tym, što ja — biespracoŭny, volny mastak, i tamu nie mahu paznačyć ničoha ŭ adpaviednym poli ŭ ankiecie. Ale ž ja pradstaviŭ vypisku, jakaja śviedčyć, što ŭ mianie na rachunku dastatkova hrošaj, kab pražyć u Vialikabrytanii hetyja šeść dzion. Moj pašpart trymali ŭ ambasadzie dva tydni», — kaža muzyka. Zastavacca ŭ Vialikabrytanii Vajciuškievič, jasnaja sprava, nie płanavaŭ.
Dla taho, kab atrymać vizu ŭ Vialikabrytaniju, akramia zvyčajnych źviestak ź miesca pracy treba pradstavić bijamietryčnuju infarmacyju, u niekatorych vypadkach — prajści nievialikaje sumoŭje. Kali krainu płanuje naviedać biespracoŭny, jon musić paviedamić u ankiecie, chto jaho finansava padtrymlivaje i ź jakoj nahody heta robicca. Vajciuškievič kaža, što mieŭ zaprašeńnie ad brytanskich biełarusaŭ, jakoje taksama addaŭ u pasolstva. Ale tam, vidać, da piersony muzyki padyšli biurakratyčna. U rasstrojenych pačućciach Vajciuškievič źjechaŭ na Nioman, impreza ŭ Łondanie projdzie bieź jaho.
Źmicier Vajciuškievič — śpiavak i muzyka, jaki taksama viadomy pad mianuškaj Todar. Były ŭdzielnik hurtoŭ KRIWI i «Pałac», zaraz lidar hurtu «WZ -Orkiestra». Akramia taho, imia Źmitra zaniesiena ŭ «čorny śpis» dziejačaŭ kultury, jakim niehałosna zabaroniena vystupać publična i «hučać» pa radyjo.
Ciapier čytajuć
Što aznačaje rasśledavańnie Mižnarodnaha kryminalnaha suda dla Łukašenki i biełarusaŭ? Tłumačyć Kaciaryna Dziajkała12
Kamientary