Vacłaŭ Havał sprabavaŭ naviedać biełaruskuju ambasadu ŭ Prazie. Jaho nie puścili
Vacłava Haŭła, jakoha i paśla adstaŭki ličać za honar prymać karali i prezydenty, siońnia nie puścili ŭ ambasadu Respubliki Biełaruś ŭ Českaj Respublicy.
Siońnia Vacłaŭ Havał razam ź inšymi viadomymi českimi palitykami zrabiŭ sprobu naviedać ambasadu Biełarusi ŭ Čechii, kab pieradać petycyju. Vacłava Haŭła na terytoryju ambasady nie puścili, nichto z supracoŭnikaŭ nia vyjšaŭ. Supracoŭnica paraiła apuścić petycyju ŭ paštovuju skrynku, što Vacłaŭ Haveł i zrabiŭ.
«Ad imia inicyjatyvy «Hramadzianskaja Biełaruś», jakaja dziejničaje ŭ Českaj Respublicy, -- havorycca ŭ petycyi, -- vykazvajem razam ź inšymi padpisantami rašučy pratest suprać suproć falsyfikavańnia padčas padrychtoŭki i praviadzieńnia prezydenckich vybaraŭ na Biełarusi dy asudžajem palicejski hvałt pry razhonie subotniaj mirnaj demanstracyi ŭ Miensku. Vykazvajem svaju salidarnaść z usimi achviarami represijaŭ, patrabujem nieadkładnaha vyzvaleńnia ŭsich zatrymanych dy spynieńnia dalejšaha ich pieraśledu.
Zaklikajem:
prezydenta Alaksandra Łukašenku da adstaŭki;
pradstaŭnikoŭ aŭtarytarnaha režymu ŭśviadomić adkaznaść za svaje rašeńni, bo ŭ siońniašnim hlabalna ŭzajemaźviazanym śviecie zastałosia vielmi mała miescaŭ, dzie možna schavacca ad skaržnikaŭ mižnarodnych sudoŭ;
biełaruskich milicyjantaŭ, sudździaŭ i prakuroraŭ, kab nie davali siabie biaskonca padmanvać tym, što zmahajeciesia z kryminalnymi złačyncami, arhumenty pra ŭsiaho tolki vykanańnie zahadaŭ budučyja sudy brać ad uvahu nia buduć;
biełaruskuju intelihiencyju, žurnalistaŭ i dziejačoŭ kultury, kab paŭstali suprać abałvańvańnia svaich suhramadzianaŭ pahrozaj niebiaśpieki z Zachadu, dy patrabavali paśladoŭnaha raśledavańnia apošnich padziejaŭ u Miesku.
Žadajem usim biełarusam pieraadoleńnia strachu dy damahańnia svaich asnoŭnych pravoŭ na svabodnaje žyćcio ŭ pravavoj dziaržavie i demakratyčnaha kiravańnia krainaj, čyj urad nia budzie chavacca palicejskimi dyvizijonami sa ślezaciečnym hazam i ahłušalnymi hranatami.
Ad «Hramadzianskaj Biełarusi»
Vacłaŭ Havał, Kareł Švarcanbierh, Anna Šabatava, Jan Rumł, Ihar Błaževič.
Inšyja padpisanty
Jozef Jaržab, senatar, Iržy Oberfalcer, senatar,Zdenek Barta, senatar, Jaromiž Štecina, senatar, Pietr Bracicki, deputat parlamentu, Taćjana Fišerava, deputat parlamentu.
Praha, 27 sakavika 2006 h.»
Palaki kuplajuć damy ŭ Biełarusi — cikaviacca, ci chopić na žyćcio jeŭrapiejskaj piensii, i radujucca śmiešnym vydatkam9
Kamientary