Nieviadomyja złamyśniki śpiłavali kryž u vioscy Račkaŭščyna, ustalavany na pryvatnym padvorku ŭ pamiać adnaho z kamandziraŭ Armii Krajovaj. Fundamient pomnika zasypali ziamloj.
Pra incydent paviedamiŭ partał Sajuza palakaŭ Biełarusi.
Akt vandalizmu zdaryŭsia, kali haspadaroŭ pryvatnaj siadziby, dzie ŭstalavany kryž, nie było doma. Vandały vyvieźli kryž u nieviadomym kirunku, a jahony padmurak zasypali ziamloju.
SPB nie vyklučaje, što za aktam vandalizmu mohuć stajać miascovyja ŭłady.
Siabry niepryznavanaha ŭładami Sajuza palakaŭ ustalavali kryž 12 maja, na 64-ja ŭhodki śmierci adnaho z kamandziraŭ Armii Krajovaj — Anatola Radzivonika, psieŭdanim Olech. U 1949 h. Radzivonik z svaimi paplečnikami zahinuŭ u sutyčcy z vajskoŭcami NKUS.
Za heta kiraŭnika niepryznanaha biełaruskimi ŭładami Sajuza palakaŭ Miečysłava Jaskieviča aštrafavali na 4 miljony, a 82-hadovuju piensijanierku Vieraniku Siebaścianovič — na 2,5 miljona.
Vieranika Siebaścianovič była suviaznoj AKoŭcaŭ pad psieŭdanimam «Ružačka» i zatym atrymała prysud — 25 hadoŭ stalinskich łahieraŭ. Vyjšła na volu nieŭzabavie paśla śmierci Stalina.
Ciapier čytajuć
Palaki kuplajuć damy ŭ Biełarusi — cikaviacca, ci chopić na žyćcio jeŭrapiejskaj piensii, i radujucca śmiešnym vydatkam9
Kamientary