Samaja bahataja žančyna Ispanii, suzasnavalnica adnaho z najbujniejšych suśvietnych rytejleraŭ adzieńnia Zara Razalija Miera (№195 u hłabalnym rejtynhu Forbes, majomaść — $ 6,1 młrd; №66 u rejtynhu samych upłyvovych žančyn śvietu) pamierła na 70-m hodzie žyćcia.
Miera adpačyvała na vostravie Mienorka razam z dačkoj Sandraj. U sieradu, 14 žniŭnia, jana pieraniesła insult i ŭ krytyčnym stanie była dastaŭlena ŭ balnicu horada Ła-Karuńja ŭ pravincyi Halisija. Praz sutki Miera pamierła ŭ klinicy.
Trahičnuju navinu ŭžo paćvierdzili ŭ hrupie Inditex, jakuju Miera ŭ 1963 h. zasnavała razam z mužam Amansia Arteha (№3 u rejtynhu Forbes, stan - $ 57 młrd). Hrupa Inditex pačynałasia jak siamiejny chatni biźnies - muž i žonka šyli žanočyja načnyja kašuli i bializnu ŭ chatnich umovach).
Prafiesiju švački Miera asvoiła jašče ŭ 11 hadoŭ, kali kinuła škołu, kab zabiaśpiečvać siamju.U rejtynhu Forbes jana była samaj zamožnaj žančynaj z tych, chto nie atrymaŭ u spadčynu svajo bahaćcie ad baćkoŭ abo muža i žonki, a pabudavali biznes z nula.
Zaraz Inditex vałodaje brendami Zara, Massimo Dutti, Bershka i inš Abjom prodažaŭ u 2012 hodzie dasiahnuŭ €15,9 młrd. Jany daŭno raźvialisia, ale Miera zastavałasia ŭładalnicaj 5,1% akcyj kampanii.
U apošnija hady jana aktyŭna zajmałasia dabračynnaściu - jaje fond Paideia dapamahaje sacyjalizavanyja ludziam ź fizičnymi i psichičnymi rasstrojstvami.
Kamientary