Mužčynu ŭ abmieńniku vydali bolš hrošaj, usio skončyłasia kryminalnaj spravaj
32‑hadovy žychar Baranavičaŭ pryjechaŭ u Minsk, kab adramantavać aŭtamabil. Jon adpraviŭsia ŭ abmieńnik pamianiać valutu.
Jon zdavaŭ dalary i brytanskija funty sterlinhaŭ. Kasirka vydała na 600 rubloŭ bolš. Mužčyna pieraličyŭ ich, vyvučyŭšy kvitancyju, i syšoŭ. Potym kasir ahledziełasia i źviarnułasia ŭ milicyju, paviedamlajuć Minsk-naviny.
Mužčyna znoŭ pryjechaŭ z Baranavičaŭ u Minsk, u Centralnaje RUUS, kab dać tłumačeńni pa hetym fakcie. Lišnija hrošy jon viarnuŭ, ale ŭ dačynieńni da mužčyny raspačali kryminalnuju spravu za machlarstva.
— Abvinavačany pracaŭładkavany kiroŭcam-ekśpiedytaram u pryvatnaj kampanii, žanaty, na ŭtrymańni maje traich małaletnich dziaciej, raniej da kryminalnaj adkaznaści nie pryciahvaŭsia. Jamu vystaŭlena abvinavačvańnie ŭ zavałodvańni majomaściu šlacham padmanu (machlarstvie), heta značyć u ździajśnieńni złačynstva, praduhledžanaha častkaj 1 artykuła 209 KK, sankcyja jakoj — až da troch hadoŭ pazbaŭleńnia voli. Vinu hramadzianin nie pryznaŭ — nastojvaje, što ŭ jaho nie było namieru padmanuć kasirku, — adznačyŭ namieśnik prakurora Centralnaha rajona Viktar Šubič.
U dačynieńni da mužčyny ŭžytaja miera strymańnia ŭ vyhladzie padpiski ab niavyjeździe i naležnych pavodzinach.
Skandał u «Jeŭraopcie». 96‑hadovamu dziadulu nie dazvolili prysieści na kresła kala kasy20
Kamientary