Kommiersant': Łukašenka vyhladaje stomlenym

Učora ŭ Kalininhradzie skončylisia rasijska-biełaruskija vučeńni «Zachad-2013». Prezidentu Rasii spadabałasia. Alaksandr Łukašenka pramaŭčaŭ. Pra toje, jak reahavaŭ jaho syn Kola, — śpiecyjalny karespandent «'» Andrej '-Kaleśnikaŭ z Kalininhradskaj vobłaści.

Palihon Chmieleŭka pad Kalininhradam, dzie na kamandnym punkcie čakali Uładzimira Pucina i Alaksandra Łukašenku paśla fazy sumiesnych vučeńniaŭ u Hrodnie, staranna padrychtavaŭsia da ich vizitu. Sprava navat nie ŭ vielizarnaj kolkaści metaŭ, vystaŭlenych na źniščeńnie: nie ŭ pudziłach sałdat u naturalnuju vieličyniu, damoŭ, dotaŭ, karabloŭ i viertalotaŭ.

Nie, samaje mocnaje ŭražańnie zrabiŭ chram na terytoryi palihona. Jon byŭ pabudavany i zdadzieny ŭ ekspłuatacyju śpiecyjalna da vučeńniaŭ.

Chram byŭ całkam abhornuty ŭ maskirovačnuju sietku. I tolki kryž aburalna zichacieŭ na niečakanym soncy.

— Tak, — paćvierdziŭ ajciec Kanstancin, što stajaŭ kala ŭvachodu ŭ chram.

— Zborna-razborny ščytavy mabilny chram. Raspracavany śpiecyjalna dla šmatrazovaha vykarystańnia.

— A što ž, — spytaŭ ja, — kryž nie nakryli sietkaj? Prosta bliščyć!

Kryž taksama, pa-mojmu, byŭ zborna-razbornym.

— Nie nakryli, — zhadziŭsia ajciec Kanstancin. — Sapraŭdy, tolki heta i zastavałasia zrabić.

Maskiroŭka chrama była jamu nie da dušy.

Ajciec Kanstancin adkryŭ bimietaličnyja dźviery mabilnaha chramavaha kompleksu i schavaŭsia za imi. U jaho tut byli nie vučeńni. U jaho zaŭsiody ŭsio adrazu pa-sapraŭdnamu.

Scenar sumiesnych rasijska-biełaruskich vučeńniaŭ «Zachad-2013» byŭ nastupny: «Niezakonnaje ŭzbrojenaje farmavańnie ažyćciaviła zachop učastka ŭźbiarežža ź nievialikimi nasielenymi punktami.

U metach błakavańnia rajona znachodžańnia terarystaŭ u tył praciŭnika ažyćciaŭlajecca vysadka taktyčnaha desantu na viertalotach Mi-8. Pa sudnach, što zabiaśpiečvajuć terarystaŭ zbrojaj, nanosicca artyleryjski ŭdar siłami karabielnaj bierahavoj artyleryi. Pa terarystach, jakija znachodziacca na ŭźbiarežžy, nanosicca artyleryjski ŭdar samalotami frantavoj i viertalotami armiejskaj avijacyi…

Desantny karabiel na pavietranaj padušcy „Mardovija“ dastaŭlaje padraździaleńnie sił śpiecyjalnych apieracyj Respubliki Biełaruś, jakoje ažyćciaŭlaje desantavańnie na ŭźbiarežžy i ŭstupaje ŭ boj z terarystami. U tył praciŭnika desantujucca padraździaleńni PDV, jakija błakujuć adychod terarystyčnaj hrupy.

Błakavanyja terarysty zachoplivajuć nasieleny punkt. Dla vyzvaleńnia zakładnikaŭ i ačystki nasielenaha punkta ad terarystaŭ u boj ustupajuć padraździaleńni ŭnutranych vojskaŭ MUS Rasii. Paśla boju ŭ horadzie ŭźnikaje pažar, da tušeńnia jakoha pryciahnutyja śpiecyjalnyja samaloty».

Pra toje, ci budzie patušany pažar, u scenary nie było ni słova. Vidavočna, heta nikoha ŭžo asabliva nie chvalavała. Hałoŭnaje — našy pieramahli.

Na kamandnym punkcie źjavilisia vajskovyja naziralniki. Zaprasili naziralnikaŭ sa 100 krain, prylacieli z 80.

Naziralniki adrazu dastali fotaaparaty i zalaskali.

— Zdymajuć vas aktyŭna, — skazaŭ ja adnamu z rasijskich aficeraŭ.

— Fatahrafujuć, — papraviŭ jon mianie. — Źniać nas im słabo.

Hetyja vajskoŭcy prylacieli z Hrodna. Raskazali, što byli ździŭlenyja, kali dyktar, jaki kamientavaŭ chod vučeńniaŭ, paviedamiŭ, što ŭ boj ustupajuć ustanoŭki «BiełHrad».

— My nie zrazumieli, — padzialiŭsia jon. — Nikoli pra takija nie čuli. A potym ja zdahadaŭsia! Heta ž značyć — biełaruski «Hrad»!

Na palihonie zadymiła. Heta značyć, pačałosia.

Svajo miesca na trybunie naziralnikaŭ zaniaŭ ministr abarony adnoj dalokaj krainy ŭ dziŭnaj na pieršy pohlad spartyŭnaj formie. Jamu było choładna i vietrana. Ale na vajnie jak na vajnie.

Paśla piacichvilinnaj zalevy, kali na viertalotach užo pryziamlilisia Uładzimir Pucin, Alaksandr Łukašenka i jaho syn Kola ŭ vajskovaj formie biez pahonaŭ (niejak na vajskovym paradzie ŭ Minsku zorki na jaho pahonach byli maršalskimi. Pryčyna ich adsutnaści hetym razam nieviadomaja. Naŭrad ci, zrešty, baćka zrezaŭ ich Kolu za jakuju-niebudź pravinu), pačałasia strašnaja stralanina.

Naziralniki, zdajecca, pakul drenna razumieli sens taho, što adbyvajecca i addavali pieravahu tamu, kab fatahrafavać. Ministr abarony dalokaj krainy stajaŭ na kreśle i ŭziraŭsia ŭ mora, dzie sprabavali vyrvacca z akružeńnia karabli terarystaŭ. Jamu taksama chaciełasia vyrvacca adsiul.

Vysadžvaŭsia rasijski desant. «Mardovija» ź biełaruskimi desantnikami spaźniałasia.

Bolš za ŭsio naziralniki zacikavilisia vysadkaj novych rasijskich BTR-82. Jany pierapytvali adzin u adnaho, ci taja heta zbroja, pra jakuju jany dumajuć. Heta była mienavita taja.

U niejki momant zdałosia, što źniščać bolš niama kaho: takim ahniom nielha było nie źniščyć usio žyvoje. Ale tut vyśvietliłasia, što terarysty žyvyja-zdarovyja. Bolš za toje, u ich, zdajecca, adkryłasia druhoje dychańnie.

Mabyć, byli prademanstravany jašče nie ŭsie rasijska-biełaruskija mahčymaści, tak što tyja, na kim ich možna było pakazać, jašče patrabavalisia.

I sapraŭdy, narešcie nastupiła śviata ŭ sercy biełaruskaha prezidenta i jaho syna Koli. Padyšła «Mardovija». Biełdesant kidaŭsia ŭ vadu z zapałam tapielcaŭ.

Hetych było ŭžo nie spynić. Nieba zasłaŭ har ad dymavoj šaški.

Ajciec Kanstancin, što stajaŭ pobač, pierachryściŭsia — užo, napeŭna, soty raz.

Mima nieśli paranienaha, pryčym, zdajecca, nasamreč.

Terarysty ŭrešcie byli pieramožanyja, viadoma.

A abiacany scenarom pažar, na ščaście, nie razhareŭsia z patrebnaj siłaj: u chod vučeńniaŭ znoŭ umiašałasia zaleva.

Mienš za ŭsich, pamiž tym, byŭ uražany Kola. Było takoje adčuvańnie, što jon hulaje ŭ vajnu čaściej za ŭsich hetych ludziej, razam uziatych.

Akramia taho, nielha vyklučyć, što ŭ Biełarusi takija vučeńni čas ad času pravodziacca dla jaho adnaho.

Biełaruski prezident ničoha nie skazaŭ pra toje, ci spadabalisia jamu vučeńni. Jon prosta palacieŭ na viertalocie — niemałady hruzny čałaviek u karotkaj čornaj skuranoj kurtcy na małancy.

Vyhladaŭ jon jak prezident krainy, jakaja ŭdzielničaje ŭ ambicyjnych vučeńniach «Zachad-2013»? Nie, nie vyhladaŭ. Jon vyhladaŭ stomlenym čałaviekam.

Raźvitalisia jany tak. Alaksandr Łukašenka, stojačy ŭ mašynie, machnuŭ rukoj rasijskamu prezidentu.

— Stelefanujemsia, — kiŭnuŭ Uładzimir Pucin.

Sam spadar Pucin jašče pravioŭ videakanfierencyju pa vynikach vučeńniaŭ. Na suviazi byli ministr enierhietyki Alaksandr Novak, ministr transpartu Maksim Sakałoŭ, hubiernatar Nižaharodskaj vobłaści Valeryj Šancaŭ. Sens ich udziełu ŭ videakanfierencyi byŭ spačatku niezrazumieły. Ale potym spadar Pucin skazaŭ, što napiaredadni była praviedzienaja raptoŭnaja pravierka bojehatoŭnaści Mintransa, Minenierha i administracyi Nižaharodskaj vobłaści i što zastalisia pytańni. Ich jon i abmierkavaŭ u zakrytym režymie.

Na dvare ŭ hety čas zavodziŭsia viertalot prezidenta Biełarusi.

Možna było b skazać, što Alaksandr Łukašenka viartaŭsia da mirnaha žyćcia. Ale heta było b, napeŭna, pierabolšańniem.

Bo nie ŭsie mohuć žyć mirnym žyćciom.

Jość ludzi, u hałavie jakich vajna praciahvajecca i paśla jaje zakančeńnia.

A vučeńni — tym bolš.

• 0
• 0
• 0
• 0
• 0
• 0
• 0
• 0