Amierykancy stvaryli kantralavany mozham pratez nahi
Navukoŭcy ź Instytuta reabilitacyi Čykaha zrabili sapraŭdny praryŭ u pratezavańni.
Jany pieršymi raspracavali pratez nahi, jaki kantralujecca sihnałami z mozha svajho nośbita, paviedamlaje The New England Journal of Medicine.
Bijaničnaja naha ŭ dziejańni
U adroźnieńnie ad isnujučych na siońnia pratezaŭ nižnich kaniečnaściaŭ, bijaničnaja naha z Čykaha vałodaje mabilnaściu sapraŭdnaj nahi.
Karystalnik pratezu ź lohkaściu moža pierasoŭvacca pa roznych pavierchniach, iści pa nachilenaj płoskaści ci pa prystupkach. Pry hetym ad nośbita patrabujecca tolki padumać pra naležny ruch.
Technałohii, vykarystanyja ŭ bijaničnaj nazie čykahskimi raspracoŭščykami, zusim nie novyja.Padobnym čynam pracujuć vysokatechnałahičnyja pratezy ruki.
Sensary prateza zdymajuć sihnał ź ciahlicaŭ, na jakija «zymykajuć» niervy pacyjenta, što raniej pravodzili impulsy ŭ amputavanuju častku nahi.
Atrymanyja sihnały apracoŭvajucca admysłovym prahramnym zabieśpiačeńniem i zapuskajuć nieabchodnyja ruchaviki.
Apisańnie prateza
Pieršym vyprabavalnikam bijaničnaj nahi staŭ 31-hadovy prahramist Zek Voŭter. U intervju NBC jon paviedamiŭ, što zmoh padniacca na 130-ty pavierch chmaračosa pa leśvicy.
Pakul isnuje tolki adzin asobnik pratezu, jaki vykarystoŭvajecca dla vyprabavańniaŭ. Cana mahčymaj sieryjnaj pryłady pakul nieviadomaja.
Adnak paviedamlajecca, što hrant u $8 miljonaŭ dla raspracoŭki bijaničnaha pratezu nahi Instytutu reabilitacyi Čykaha vydzielili ŭzbrojenyja siły ZŠA.
U dzień, kali pamiłavali palitviaźnia Daronina, jahonaj žoncy prysudzili 8,5 hadoŭ kałonii za ŭdzieł u dvarovym čacie6
Kamientary