U Litvie zatrymanyja aŭto, jakija pieravozili kantrabandnyja biełaruskija cyharety
Na zachadzie Litvy — u Kłajpiedskim i Kretynhskim rajnach — zatrymany dva aŭtamabili, jakija pieravozili bujnyja partyi biełaruskich kantrabandnych cyharet.
Pavodle źviestak Słužby achovy dziaržaŭnaj miažy Litvy, u pieršym vypadku byŭ spynieny aŭtamabil «Reno-19», jakim kiravaŭ 45-hadovy žychar Vilniusa.
U sałonie, bahažniku i matornym adsieku supracoŭniki słužby achovy znajšli amal 3 tys. pačkaŭ cyharet «Fest 7» i NZ Superslims ź biełaruskimi akcyznymi markami.
Paśla dopytu vadziciel byŭ adpuščany. Jamu pahražaje štraf u pamiery ad 10 da 20 tys. litaŭ (ad 4 da 8 tys. dołaraŭ ZŠA) i kanfiskacyja transpartnaha srodku.
Prykładna takuju ž kolkaść biełaruskich cyharet marak «Fest», «Prem`ier», Minsk Capital i Minsk Superslims pieravoziŭ na «Maździe-323» 30-hadovy žychar litoŭskaj stalicy, pazbaŭleny vadzicielskich pravoŭ.
Vadziciel, jakomu daviadziecca panieści pakarańnie jak za kantrabandu, tak i za jazdu biez pravoŭ, pieradadzieny palicyi.
Kantrabanda cyharet i ich realizacyja surova karajecca litoŭskimi zakonami. Naprykład, 23 kastryčnika partał ru.delfi.lt raźmiaściŭ infarmacyju pra vilniuskuju piensijanierku, jakaja pavinna zapłacić 20 tys. litaŭ za prodaž dziesiaci pačkaŭ cyharet bieź litoŭskich akcyznych marak na sumu 73 lity (try dołary).
Pieršapačatkova sud nakłaŭ na žančynu štraf u pamiery 30 tys. litaŭ (12 tys. dołaraŭ). Piensijanierka rastłumačyła svoj učynak mizernaj piensijaj, jakaja składaje 430 litaŭ u miesiac (172 dołary).
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii12
Kamientary