Pioterynh: «Nie ŭjaŭlaju, kab na samicie UP Biełaruś pradstaviŭ t.zv. prezident»
U Vilni adznačyli 20-hodździe dziejnaści vilenskaha ofisa fondu imia Konrada Adenaŭera.
Eks-prezident Jeŭrasajuza Chans-Hiert Pioterynh ličyć najbolš prymalnym, kali Biełaruś dašle na samit Uschodniaha partniorstva pradstaŭnika ŭrada, a nie kiraŭnika dziaržavy:
«Ja nie ŭjaŭlaju, kab Biełaruś była pradstaŭlena tak zvanym prezidentam. U hetych niespryjalnych umovach było b prymalna i suvymierna, kali b Biełaruś pradstaviŭ chtości z urada».
Pra heta palityk zajaviŭ na sustrečy z nahody 20-hodździa litoŭskaha adździaleńnia fonda imia Konrada Adenaŭera, jakaja prajšła ŭčora ŭ Vilni.
Na mierapryjemstvie byli biełaruskija pravacentrysckija palityki – Pavieł Sieviaryniec i Vital Rymašeŭski (BCHD), Aleś Łahviniec i Juraś Hubarevič («Ruch za svabodu»), Alaksiej Janukievič i Ryhor Kastusioŭ (BNF), Anatol Labiedźka i Leŭ Marholin (AHP) dy inšyja.
Pioterynh nazvaŭ Biełaruś dyktatarskaj aŭtarytarnaj krainaj. Nadzieja, što režym skirujecca ŭ bok demakratyi, nie spraŭdziłasia.
Tym nie mienš, Jeŭropa hatova da dyjałohu.
Jeŭradeputat raźličvaje, što na samicie UP usie pradstaŭniki Jeŭrasajuza vykažuć dakładnuju pazicyju adnosna vyzvaleńnia biełaruskich palitźniavolenych.
Na pytańnie pra ŭviadzieńnie ekanamičnych sankcyj Pioterynh zajaviŭ, što tyja ni ŭ jakim razie nie pavinny zakranuć prostych ludziej. Značyć, chutčej za ŭsio, Jeŭropa pa-raniejšamu abmiažujecca imidžavym «čornym śpisam» nieŭjaznych asobaŭ:
«Ja ŭ lubym vypadku vystupaju za sankcyi ŭ dačynieńni da kiraŭnikoŭ režymu.
Ja prytrymlivajusia mierkavańnia, čto pakul biełaruski narod nie žyvie va ŭmovach demakratyi, svabodnaj pravavoj dziaržavy, najvyšejšyja pradstaŭniki režymu nie pavinny mieć svabodu pierasoŭvańnia pa ES».
Nie sakret, što niekatoryja krainy Jeŭrasajuza (Słavienija, Łatvija, Litva) łabirujuć nieŭklučeńnie ŭ «čorny śpis» peŭnych biełaruskich biźniesmienaŭ, blizkich da Łukašenki. Na dumku Pioterynha, tut treba raźbirać kožny kankretny vypadak:
«Kali niejki bujny biźniesmien padtrymlivaje režym Łukašenki, ja za toje, kab sankcyi suprać jaho dziejničali. Kali ž biźniesmien sprabuje ŭciačy ad ciesnych «abdymkaŭ» Łukašenki i adyści ad hetaj palityki, to ja b razhladaŭ hety vypadak pa-inšamu».
Chans-Hiert Piotterynh uznačalvaje fond imia Konrada Adenaŭera z 2010 hoda. Fond finansujecca pieravažna ź biudžetu Hiermanii i maje kala 70 ofisaŭ u 120 krainach śvietu, dzie pracuje ŭ padtrymku demakratyi, pabudovy pravavoj dziaržavy i sacyjalnaj rynkavaj ekanomiki.
U Biełarusi pradstaŭnictva fonda nie zarehistravali. Tamu biełaruski ofis mieścicca ŭ Vilni. Jon padtrymlivaje palityčnyja i hramadskija siły, jakija imknucca da demakratyčnych pieramienaŭ.
Kiraŭnik biełaruskaha ofisa ŭ Vilni Alaksandr Brakiel zapeŭniŭ, što jany nie zajmajucca finansavaj padtrymkaj biełaruskaj apazicyi:
«My dapamahajem biełaruskim apazicyjnym partyjam (u našym vypadku – našym palityčnym partnioram, heta partyi centrysckaha pravaha nakirunku) stać bolš prafiesijnymi. Kab toje, što zamacavana ŭ biełaruskaj kanstytucyi, a mienavita ščyraja palityčnaja kankurencyja, mahła adbycca. Chaču padkreślić, što my nie robim ničoha nielehalnaha».
Jašče adzin napramak dziejnaści fonda – namahacca, kab biełaruskaje pytańnie było ŭ paviescy dnia jeŭrapiejskich palitykaŭ.
Kamientary