«Kommiersant»: Rasija dabivajecca stvareńnia nadnacyjanalnych orhanaŭ Jeŭrazijskaha sajuza

Da śniežnia pavinny być padrychtavanyja dakumienty ab nadnacyjanalnych instytutach budučaha jeŭrazijskaha ekanamičnaha sajuza. Pra heta kiraŭniki Rasii, Biełarusi i Kazachstana damovilisia na apošniaj kastryčnickaj sustrečy. Ale rasijskija ekśpierty prapanoŭvajuć palitykam nie «farsiravać intehracyju «jakuju lohka sarvać z-za taho, što jeŭrazijski sajuz usio jašče zastajecca adkrytym pytańniem jak dla Rasii, tak i dla byłych savieckich respublik, piša «Kommiersant».

Na 19 śniežnia namiečana čarhovaja sustreča kiraŭnikoŭ Rasii, Kazachstana i Biełarusi, mahčyma, z udziełam pradstaŭnikoŭ Armienii i Tadžykistana, jakich zacikaviŭ Mytny sajuz.

Da hetaha terminu jašče 24 kastryčnika ŭ Minsku kamisii Jeŭrazijskaha ekanamičnaha savieta (JeŭrAzES) lidaraŭ troch dziaržaŭ sumiesna z nacyjanalnymi ŭradami daručana ŭnieści prapanovy ab «instytucyjnaj i funkcyjanalnaj častkach damovy ab jeŭrazijskim ekanamičnym sajuzie». Hety dakumient pavinien uklučać pałažeńni ab nadzialeńni sajuza «nieabchodnaj mižnarodnaj pravasubjektnaściu», farmiravańni «sistemy orhanaŭ sajuza na bazie dziejučaj sistemy kiravańnia Mytnym sajuzam i Adzinaj ekanamičnaj prastoraj z uklučeńniem suda», farmiravańni «sistemy pravavych aktaŭ sajuza i vyznačeńnie ich ijerarchii», a taksama miechanizm dałučeńnia inšych dziaržaŭ.

Jeŭrazijskija instytuty budzie prapanavana arhanizavać pa anałohii ź instytutami Jeŭrapiejskaha Sajuza tak, kab orhany raźmiaščalisia ŭ roznych dziaržavach.

Miarkujecca, što ŭ liku orhanaŭ budzie vyšejšy saviet na ŭzroŭni prezidentaŭ i mižuradavy saviet na ŭzroŭni premjeraŭ, a taksama pastajanna dziejučaja nadnacyjanalnaja ekanamičnaja kamisija ŭ Maskvie. Ahulny sud, jak patłumačyła rasijskaja sudździa ŭ sudzie JeŭrAzES Taćciana Niešatajeva, budzie anałaham nie strasburhskaha suda pa pravach čałavieka, a jeŭrapiejskaha ekanamičnaha suda ŭ Luksiemburhu.

Budučy sud budzie «nie tolki razhladać haspadarčyja sprečki, ale i aceńvać pravavyja akty dziaržaŭ na adpaviednaść normam Jeŭrazijskaha sajuza i jaho ŭłasnyja normy. Na adpaviednaść mižnarodnym dahavoram i abaviazalnictvam».

Ahulny parłamient pakul nie praduhledžvajecca.

Praŭda, z takim instytucyjnym asiarodździem da śniežnia pavinny pahadzicca ŭsie try dziaržavy.

Pakul ža pretenzii majucca ŭ kazachskaj boku. Jak adznačyŭ učora pasiadžeńni Intehracyjnaha kłuba pry staršyni SF akademik, eks-premjer Rasiei Jaŭhien Prymakoŭ, pakul Kazachstan «suprać stvareńnia nadnacyjanalnych struktur». Tamu jon prapanavaŭ «nie farsiravać intehracyjnyja pracesy», a ruchacca da budučaha sajuza praz umacavańnie ekanamičnaj intehracyi.

«Nadnacyjanalnyja struktury, tym bolš palityčnyja, pavinny źjaŭlacca tady, kali ŭ ich sapraŭdy ŭźniknie patreba, miarkuje spadar Prymakoŭ. Na jaho dumku, SND jak intehracyjny prajekt nie adbyŭsia ŭ tym liku z-za paśpiešnaści, choć taksama mierkavalisia ahulnyja instytuty až da suda i parłamienta.

Dyrektar Instytuta ekanomiki RAN Rusłan Hrynbierh adznačaje, što «byłyja savieckija respubliki hatovy da abjadnańnia z-za niezavieršanaha kryzisu hadoŭ 2008-2009», ale,ź inšaha boku, tam zachoŭvajucca i «centrabiežnyja tendencyi, 80 % usiaho i ŭsia prypadaje na Rasieju» - taksama padkreśliŭ jon. - U vyniku my nie možam na roŭnych prymać rašeńni, a jany nie chočuć padparadkoŭvacca».

• 0
• 0
• 0
• 0
• 0
• 0
• 0
• 0