Staršynia Biełaruskaj fiederacyi handboła, vice-prezident Nacyjanalnaha alimpijskaha kamiteta Uładzimir Kanaploŭ abvierh infarmacyju pra svajo zatrymańnie. «Nie źviartajcie ŭvahi na heta hłupstva», — zajaviŭ Kanaploŭ u kamientary BiełaPAN.
Na pytańnie, dzie jon znachodziŭsia apošnija try dni, Kanaploŭ zajaviŭ: «Ja ŭ hety čas adpačyvaŭ razam z žonkaj. Ja byŭ doma, a dahetul adpačyvaŭ. Ja byŭ u adpačynku i siońnia vyjšaŭ na pracu».
Ab zatrymańni kiraŭnika BFH, vicie-prezidenta NAK, byłoha śpikiera pałaty pradstaŭnikoŭ Uładzimira Kanaplova, a taksama byłoha vice-prezidenta NAK, byłoha člena arhkamiteta pa padrychtoŭcy čempijanatu śvietu pa chakiei 2014 hoda Hienadzia Alaksiejenki paviedamiła siońnia ranicaj hazieta «Priessboł».
Pavodle źviestak vydańnia, zatrymańnie pravodzili supracoŭniki Kamiteta dziaržbiaśpieki.
Praź niekalki hadzin hetaje ž vydańnie paviedamiła, što Kanaploŭ vyzvaleny z-pad varty praz troje sutak paśla zatrymańnia, na praciahu jakich pravodziłasia pravierka, i pačaŭ vykonvać svaje abaviazki.
Sam Kanaploŭ vykazaŭ mierkavańnie, što takija čutki raspaŭsiudžvajucca napiaredadni prezidenckaj vybarčaj kampanii 2015 hoda. Pry hetym Kanaploŭ nie zmoh prakamientavać, kamu moža być vyhadna raspaŭsiudžańnie takich čutak, zaznačyŭšy, što adyšoŭ ad palityki.
Kanaploŭ taksama abvierh infarmacyju ab zatrymańni Alaksiejenki: «Jon pracuje ŭ nas, ale jaho zaraz niama. Zaŭtra vyjdzie na pracu. Jon taksama nie zatrymlivaŭsia».
BiełaPAN pakul nie ŭdałosia dazvanicca da Alaksiejenki. Pry nabory numaru jaho mabilnaha telefona aŭtamatyčna ŭklučajecca hałasavaja pošta.
Ciapier čytajuć
Što aznačaje rasśledavańnie Mižnarodnaha kryminalnaha suda dla Łukašenki i biełarusaŭ? Tłumačyć Kaciaryna Dziajkała11
Kamientary