22-hadovy žychar Fanipala (Minskaja vobłaść) bolš jak hod tamu dałučyŭsia da adnaho ź biełaruskich aŭtamabilnych kłubaŭ.
Za hety čas pasiabravaŭ z mnohimi jaho ŭdzielnikami, razam ź imi hulaŭ u futboł, braŭ udzieł u inšych kłubnych mierapryjemstvach.
Aktyŭna kantaktavaŭ na forumie kłuba pad nikam Karllson. I kali ŭ pačatku listapada na forumie źjaviłasia paviedamleńnie Karllsona ab tym, što jaho siastra śmiarotna chvoraja i znachodzicca ŭ adnoj z klinik Hiermanii, a dla prachodžańnia darahoha kursu lačeńnia patrebnyja hrošy, to mnohija farumčanie nie zastalisia abyjakavymi i pačali dapamahać znajomamu. Hrošy na lačeńnie siastry Karllsona pieraličvali na jaho elektronnyja kašalki, na mabilny telefon, pieradavali pry sustrečy.
Aŭtar paviedamleńnia vykazvaŭ udziačnaść svaim dabradziejam na forumie, rabiŭ spravazdačy ab sumach atrymanych hrošaj.
Adnak praź niejki čas u niekatorych farumčan źjavilisia sumnieńni ŭ tym, što hrošy źbirajuć dla śmiarotna chvoraj siastry.
Reč u tym, što niekalki ŭdzielnikaŭ forumu chacieli damovicca ab prachodžańni dziaŭčynaj abśledavańnia i lačeńnia ŭ dobraj klinicy Hiermanii, dla čaho patrabavałasia nazva kliniki i numar jaje telefona. Karllson nie adkazvaŭ na hetyja pytańni, nie paviedamlaŭ proźvišča baćkoŭ siastry i ich adras (hetyja źviestki ŭdzielniki forumu prasili, kab akazać im padtrymku).
A paśla taho jak adzin ź ich raźmiaściŭ fatahrafiju dziaŭčyny, jakaja vielmi padobnaja na siastru Karllsona, ale žyvie ŭ Rasii i cudoŭna siabie adčuvaje, abureńnie naviedvalnikaŭ forumu dajšło da miažy.
Praź niejki čas i sam Karllson pryznaŭsia ŭ tym, što ŭsich padmanuŭ.
Členy kłuba źviarnulisia pa dapamohu ŭ pravaachoŭnyja orhany. Supracoŭniki kryminalnaha vyšuku ŭstanavili, što sapraŭdy nijakaj chvoraj siastry ŭ Karllsona niama, a atrymanyja hrošy jon traciŭ na asabistyja patreby.
U dačynieńni da afierysta Centralnym (Minska) rajonnym adździełam Śledčaha kamiteta raspačataja kryminalnaja sprava pa art. 209 KK (machlarstva), pravodzicca rasśledavańnie.
Ciapier čytajuć
Što aznačaje rasśledavańnie Mižnarodnaha kryminalnaha suda dla Łukašenki i biełarusaŭ? Tłumačyć Kaciaryna Dziajkała7
Kamientary