Azaraŭ na mitynhu Partyi rehijonaŭ abvierh kapitulacyju pierad Rasijaj
Na Jeŭrapiejskaj płoščy ŭ Kijevie pačaŭsia mitynh prychilnikaŭ Partyi rehijonaŭ, pierad prysutnymi vystupiŭ premjer-ministr Mikałaj Azaraŭ.
Pavodle Azarava, akcyi pratestu adbyvajucca tolki ŭ stalicy Ukrainy Kijevie.
«Ja vałodaju infarmacyjaj — tolki ŭ Kijevie ŭ nas adbyvajucca hetyja padziei, a ŭsia astatniaja kraina ŭ pieravažnaj bolšaści spakojnaja. I my pavinny i Kijevu dać spakoj. Ja zaraz jechaŭ na hety mitynh i z bolem u dušy hladzieŭ na toje, što adbyvajecca ŭ Kijevie. Tak davajcie nabiaremsia mužnaści, ja źviartajusia da palitykaŭ, davajcie skažam svaim ludziam — viartajciesia ŭ siemji, zajmajciesia svajoj spravaj», — skazaŭ Azaraŭ.
Jon padkreśliŭ, što adkaznaść palitykaŭ zaklučajecca ŭ tym, kab znajści mirnaje vyrašeńnie supiarečnaściaŭ. I ŭ hetym usie palityki pavinny abjadnacca.
«My pavinny być adzinyja ŭ hetym. My možam unutry krainy łajacca, ale pa-za joj my pavinny vystupać adzinym frontam. Palityki, jakija prapahandujuć varožaść, nianaviść, padzieł Ukrainy — jany nie pavinny mieć miesca ŭ siońniašniaj palitycy, im miesca na śmietniku. Voś heta ŭsie pavinny razumieć», — zajaviŭ Azaraŭ.
Akramia taho, premjer zajaviŭ, što Ukrainie patrebnyja kampiensacyi ad ES dla raźvićcia pry padpisańnia Pahadnieńnia ab asacyjacyi.
Jon taksama nazvaŭ śpiekulacyjami zajavy ab namierach ułady padpisać dakumienty pa ŭvachodžańni krainy ŭ Mytny sajuz.
«U paniadziełak my zaviaršajem pieramovy z Rasijskaj Fiederacyjaj. Šmat idzie śpiekulacyj vakoł hetaha. Nibyta my tam zdajem Ukrainu i padpisvajem Mytny sajuz. Ja kateharyčna abviarhaju hetyja śpiekulacyi», — zajaviŭ jon.
Ciapier čytajuć
U restaranie «Mak.baj» na zahad Łukašenki pierajmienavali amierykana. Jak nazvali?20
Kamientary