Spadzievy na «krytyčnuju masu» i mitynhovy blickryh, jaki adnym macham vyrašyć usie prablemy — typovy ŭzor myśleńnia biełaruskaha pratestoŭca. Bo zaŭtra sabracca ŭžo nie daduć. Piša Dźmitry Hałko.
Taki padychod abumoŭleny abjektyŭnymi abstavinami. Mahčyma, jon navat apraŭdany va ŭmovach aŭtarytarnaha režymu. Ale sam jon ad hetaha nie robicca mieniej aŭtarytarnym.
Moj vypadkovy spadarožnik, minski prahramist Alaksiej, razvažaŭ pa darozie na Kijeŭ u minułuju subotu: «Kali ŭ niadzielu źbiarecca krytyčnaja masa ludziej, tady budzie tołk. Potym ničoha nie atrymajecca. Majdan — heta, viadoma, kruta. Tolki chiba možna źmianić uładu stajańniem na miescy?» Jon maralna rychtavaŭ siabie da mahčymaha šturmu ŭradavych ustanovaŭ, pabojvaŭsia sutyčak ź milicyjaj, ale i smakavaŭ ich napierad. Nijakaha šturmu nie adbyłosia. Zaŭvažna rasčaravany, Alaksiej viarnuŭsia dadomu raniej, čym papiarednie płanavaŭ.
Spakusa prostych rašeńniaŭ
Spadzievy na «krytyčnuju masu» i mitynhovy blickryh, jaki adnym macham vyrašyć usie prablemy — typovy ŭzor myśleńnia biełaruskaha pratestoŭca. Bo zaŭtra sabracca ŭžo nie daduć.
Taki padychod abumoŭleny abjektyŭnymi abstavinami. Mahčyma, jon navat apraŭdany va ŭmovach aŭtarytarnaha režymu. Ale sam jon ad hetaha nie robicca mieniej aŭtarytarnym.
Na zvarotnym šlachu ja razhavaryŭsia ŭ ciahniku z adesitam Valancinam, byłym vajskoŭcam, prychilnikam adzinaŭładździa, vialikim simpatyzantam Łukašenki. Valancin taksama krytykavaŭ Majdan za «biessensoŭnaje stajańnie». Nie tamu, što jon za Janukoviča ci suprać asnoŭnych patrabavańniaŭ Majdanu. «Prosta treba było ŭsio vyrašać u adzin dzień. Parvać hetych bierkutaŭcaŭ na šmatki prama na Chryščaciku. I brać uładu», — patłumačyŭ jon svaju pazicyju.
Čamu ukraincy nie stali «rvać» i «brać»
Čamu ž ukraincy nie stali «rvać» i «brać»? Niama padstavaŭ padazravać ich u bajaźlivaści abo zališniaj pamiarkoŭnaści. I ŭ himnie ŭkrainskim piajecca nie pra toje, što jany «mirnyja ludzi», a «zhinuť naši vorožieńki jak rosa na sonci». Na moj pohlad, jany nie paddalisia spakusie prostych rašeńniaŭ, bo za hady niezaležnaści zasvoili mastactva dasiahnieńnia kampramisu.
Janukovič — niepapularny palityk. Jaho maciukajuć na zachadzie i ŭschodzie krainy. Ale zhody na hvałtoŭnaje adchileńnie Janukoviča ad ułady ŭkrainskaje hramadstva ŭ cełym nie demanstravała, da hetaj kropki situacyja pakul nie dajšła. Adpaviedna, kali b takoje adchileńnie raptam adbyłosia, jano było b uspryniata častkaj hramadzian jak uzurpacyja, zamach na ich pravy.
Praciah čytajcie tut.
Ciapier čytajuć
Pratasievič znoŭ ženicca — ciapier z tarołaham Nastaśsiaj, jakaja pracavała ŭ elitnym miedcentry «Miersi»40
Kamientary