Za hvałtoŭnyja dziejańni sieksualnaha charaktaru ŭ dačynieńni da školnicy, učynienyja ŭ lipieni hetaha hoda ŭ Minsku, zatrymany 31-hadovy ŭradženiec Biešankovič (Viciebskaja vobłaść).
Mužčyna žyŭ u Minsku i, jak paviedamlałasia raniej, padazravaŭsia va ŭčynieńni złačynstvaŭ sieksualnaj skiravanaści ŭ dačynieńni da niepaŭnaletnich. Tak, nazyvajučy siabie Siarhiejem, jon uvajšoŭ u kantakt z padletkami i pad markaj demanstracyi fotačasopisa ź junymi madelami i dziciačaj bializny padmanam schilaŭ niepaŭnaletnich da dziejańniaŭ raspusnaha charaktaru.
Pakul u spravie jość tolki adzin fakt učynieńnia złačynstva. Dziejańni padazravanaha traplajuć pad artykuł 167 KK (hvałtoŭnyja dziejańni sieksualnaha charaktaru).
Materyjały spravy ŭ Śledčy kamitet pakul nie pieradadzieny.
Infarmacyja ab vyšuku padazravanaha ź jaho fatahrafijaj była raźmieščana na sajcie HUUS Minharvykankama 27 śniežnia. Na jaje, jak paviedamili ŭ staličnaj milicyi, adhuknulisia šerah hramadzian (u tym liku ź Biešankovič). Supracoŭniki staličnaha kryminalnaha vyšuku vykazvajuć im vialikuju ŭdziačnaść.
Pratasievič znoŭ ženicca — ciapier z tarołaham Nastaśsiaj, jakaja pracavała ŭ elitnym miedcentry «Miersi»40
Kamientary