Rasijskaha nieanacysta Ciesaka, jaki chavaŭsia ŭ Biełarusi, zatrymali na Kubie
Ułady Kuby apaviaścili Maskvu pra zatrymańnie Maksima Marcinkieviča pa mianušcy Ciasak, abvieščanaha rasijskimi pravaachoŭnymi orhanami ŭ mižnarodny vyšuk. Pra heta ŭ subotu, 18 studzienia, paviedamlaje lenta.ru sa spasyłkaj na «Interfaks», jaki, u svaju čarhu, spasyłajecca na pres-słužbu MUS RF.
Pavodle «Novoj haziety», Marcinkieviča zatrymali 17 studzienia. Zaraz kubinskija ŭłady rychtujucca ekstradavać jaho ŭ Rasiju. Dakładnyja terminy vydačy zatrymanaha pakul nie nazyvajucca, ale prablem być nie pavinna.
Rasijskija pravaachoŭnyja orhany padazrajuć Marcinkieviča ŭ raspalvańni mižnacyjanalnaj nianaviści.
Tak śledstva rascaniła videaroliki, jakija jon raźmiaščaŭ u sacyjalnych sietkach. Sud u śniežni 2013 hoda pastanaviŭ zaklučyć Marcinkieviča na čas śledstva pad vartu. Pry hetym słuchańni pravodzilisia biez udziełu samoha padazravanaha, jaki paśpieŭ źbiehčy.
Nacyjanalista abviaścili ŭ mižnarodny vyšuk. Sam jon, daviedaŭšysia pra rašeńnie suda, paviedamiŭ na svajoj staroncy ŭ sacyjalnaj sietcy « Vkontaktie», što znachodzicca ŭ Biełarusi i viartacca ŭ Rasiju ŭ bližejšy čas nie źbirajecca. «Baćka nie vydaść, śvińnia nie źjeść!» — pisaŭ jon tady.
U 2013 h. Ciesaka aryštoŭvali ŭ Biełarusi za bojku z antyfašystami (jon pryjazdžaŭ u Minsk u aftalmałahičny centr), ale potym adpuścili ź SIZA praz 10 sutak.
U dzień, kali pamiłavali palitviaźnia Daronina, jahonaj žoncy prysudzili 8,5 hadoŭ kałonii za ŭdzieł u dvarovym čacie6
Kamientary