Rejsavy aŭtobus Irisbus mohuć kanfiskavać u Minskaha aŭtapradpryjemstva z-za kantrabandy, jakuju kiroŭca sprabavaŭ zavieźci ŭ Biełaruś. Pra heta paviedamiła aficer pres-słužby Bresckaj pamiežnaj hrupy Kaciaryna Paŭłava.
Rejsavy aŭtobus «Miunchien-Minsk» viartaŭsia z zamiežnaj pajezdki praz pamiežny punkt «Varšaŭski most», jaki znachodzicca pobač z Brestam. Pakul pasažyry z valizkami prachodzili pašpartny kantrol i mytnaje afarmleńnie, pamiežniki i supracoŭniki adździeła pa baraćbie z kantrabandaj Bresckaj mytni pačali nadhladać aŭtobus.
U nišy za radyjataram byli schavanyja čatyry torby vialikich pamieraŭ z mužčynskaj, žanočaj i dziciačaj vopratkaj — usiaho 92 pradmiety. Prykładny košt tavaraŭ skłaŭ 30 młn rubloŭ. Kiroŭca, 51-hadovy minčuk, pryznaŭ, što tavar naležyć jamu. Usiu vopratku razam z aŭtobusam mytniki kanfiskavali da sudovaha rašeńnia. Prykładny košt transpartnaha srodku skłaŭ 2,6 młrd rubloŭ.
U dačynieńni da kiroŭcy raspačali administracyjnyju spravu pavodle 2 art. 14.1 KaAP, adnak zatrymlivać jaho nie stali. Pasažyram aŭtobusa (ich było 10 čałaviek) pryjšłosia dabiracca da miesca pryznačeńnia inšym transpartam.
Ciapier čytajuć
«Muž syšoŭ ź Sipłym i Małym». Imavierna, pad Kramatorskam ukraincy adnym macham ubajdosili troch biełaruskich najomnikaŭ5
Kamientary