U sudzie Zavodskaha rajona Minska razhladajecca kryminalnaja sprava ab zabojstvie kiraŭnika staličnaha kłuba łučnikoŭ-amataraŭ 27-hadovaj minčanki Hanny Sardečkinaj.
Siońnia ŭ sudzie rodnaja siastra zabitaj, Kaciaryna Sardečkina, raspaviała, što Hanna niejak skazała joj, što muž sprabavaŭ jaje dušyć, paviedamlaje karespandent BiełTA.
Kaciaryna adznačyła, što siastra nieadnarazova raspaviadała joj pra kanflikty z mužam i jaho niepryjaznaść. Jana kazała siastry, što paśla viasiella jaje muž źmianiŭsia — staŭ bolš patrabavalnym i kapryznym. Mienavita Hanna Sardečkina stała inicyjataram skasavańnia šlubu.
«Užo paśla razvodu ja daviedałasia z razmovy ź siastroj, što padčas ich sumiesnaha žyćcia byli kanflikty z rukaprykładstvam i muž sprabavaŭ jaje dušyć.
Hanna adznačyła, što chadziła ŭ milicyju, ale tam joj admovilisia dapamahčy», — raspaviała Kaciaryna Sardečkina.
Jana dadała, što ŭ jaje siastry byŭ abvostrany maciarynski instynkt: jana ŭvieś čas starałasia znachodzicca pobač ź dziciem. Adnak jana nikoli nie zabaraniała byłomu mužu bačycca ź im.
Naadvarot, siastra zabitaj u sudzie adznačyła, što abvinavačvany praktyčna admoviŭsia ad małoha paśla razvodu: časam sapraŭdy zachodziŭ, ale bolš hladzieŭ televizar. Adnojčy, pa słovach siastry zabitaj, mužčyna navat pahražaŭ dziciaci, paśla hetaha maci spałochałasia i patelefanavała svajakam u Oršu, papiaredziła ab tym, što jany mohuć pryjechać.
***
Hanna Sardečkina źnikła 12 žniŭnia minułaha hoda. Ab źniknieńni zajaviŭ jaje były muž 1985 hoda naradžeńnia. Paźniej jon pryznaŭsia, što zadušyŭ Hannu i rasčlaniŭ, u hety čas u susiednim pakoi ich mały syn hladzieŭ mulciki. Cieła pa kavałkach zapakavaŭ u pakiety i vykinuŭ u Cnianskaje vadaschovišča.
Z ulikam acenki sukupnaści sabranych dokazaŭ abvinavačanamu było pradjaŭlenaje abvinavačvańnie ŭ zabojstvie ( č.1 art.139 Kryminalnaha kodeksa Biełarusi, karajecca pazbaŭleńniem voli ad 6 pa 15 hadoŭ).
Ciapier čytajuć
«Jana daŭnavata ŭ Biełarusi». Baćka Anžaliki Mielnikavaj pryznaŭsia, što jana žyvaja i zdarovaja90
Kamientary