Pra heta paviedamiła dačka, dyrektarka telekanału «Biełsat» Ahnieška Ramašeŭskaja.
U čaćvier u Varšavie va ŭzroście 74 hadoŭ pamior Źbihnieŭ Ramašeŭski, lehienda antykamunistyčnaha ruchu, stvaralnik padpolnaha radyjo «Salidarnaść», šmatrazovy senatar.
Ad vychodnych Ramašeŭski byŭ u farmakalahičnaj komie, špitalizavany.
Pavodle palityka Vincuka Viačorki, jaki viedaŭ senatara asabista, Ramašeŭski — heta čałaviek, jaki ŭvasablaŭ pakaleńnie vialikich kaštoŭnaściaŭ:
«Žorstkaja navina, niečakanaja dla mianie. Zdajecca, zusim niadaŭna my bačylisia ŭ Tbilisi, kudy jon razam z žonkaj pryjechaŭ nazirać za vielmi składanymi tamtejšymi vybarami. Niaŭrymślivy, jon nia moh nie pabyvać na kijeŭskim Majdanie, kab natchnić i natchnicca. I voś senatara Źbihnieva Ramašeŭskaha — niama… Heta byŭ adzin z vołataŭ duchu, čałaviek, jaki nie vahaŭsia stać na baku Svabody i Niezaležnaści i svajoj rodnaj Polščy, i inšych narodaŭ. Adzin z tych, chto stvaraŭ Kamitet abarony rabočych u 70-ja, adzin z maralnych i faktyčnych lideraŭ «Salidarnaści» — vydatny fizik, jon skarystaŭ svaje viedy dla stvareńnia padpolnaha «Radyjo Salidarnaść»…
Nienavidzieŭ «realpolitik». Zaŭsiody sačyŭ za padziejami ŭ Biełarusi, vydatna ŭ ich raźbiraŭsia i zaŭsiody padtrymlivaŭ spravu našaj Svabody i Niezaležnaści, nie zvažajučy ni na jakija kańjunktury. Ščyraje spačuvańnie žoncy, spadaryni Zofji, dačce, spadaryni Ahniešcy, usim blizkim i siabram. Śvietłaja pamiać».
Ciapier čytajuć
Što aznačaje rasśledavańnie Mižnarodnaha kryminalnaha suda dla Łukašenki i biełarusaŭ? Tłumačyć Kaciaryna Dejkała3
Kamientary