Univiersalnaja dekłaracyja pravoŭ «subjektov choziajstvovanija".
Feljeton u błohu Lolika Uškina.
Univiersalnaja dekłaracyja pravoŭ «subjektaŭ choziajstvovanija
Štodzień našy tałdyčuć, što «subjekty choziajstvovanija» Sajuzu majuć mieć roŭnyja pravy. A chev a drim - kali niebudź ichnija pravy sapraŭdy buduć vyznanyja adpaviednym dakumientam.
Univiersalnaja dekłaracyja pravoŭ «subjektaŭ choziajstvovanija»
Preambuła
Prymajučy va ŭvahu, što dabrabyt siabroŭ administacyi RB źjaŭjajecca asnovaj svabody i spraviadlivaści hłabalnaha miru, kiraŭnictva Sajuznaj dziaržavy prymaje Univiersalnuju dekłaracyju praŭ “subjektaŭ choziajstvovanija”
Artykuł 1
Usie «subjekty choziajstvovanija» naradžajucca roŭnymi ŭ pravach adnosna koštaŭ za atrymańnia rasiejskich vuhlerodaŭ. Jany majuć vystupać u adnosinach adzin da vodnaha ŭ duchu słavianskaha braterstva.
Artykuł 2
Kožny “«subjekt choziajstvovanija» maje prava na finansavańnie budaŭnictva ladovych pałacaŭ, Nacyjanalnaj biblijateki, festyvalu «Dažynki», turaŭ žurnalistaŭ rasiejskich rehijanalnych ŚMI pa Biełarusi.
Artykuł 3
Kožny «subjekt choziajstvovanija» maje prava na volny prodaž na rasiejskim rynku kandytarskich vyrabaŭ
Artykuł4
Kožny «subjekt choziajstvovanija» maje prava na rasiejski ilhotny stabilizujučy kredyt.
Artykuł 5
“Nivodny nie maje padviarhacca pieramovam z Hazpromam, abo inšym prynižajučym jahonuju słavianskuju hodnaść praktykam.
Artykuł 6.
Kožny «subjekt choziajstvovanija» maje prava być pryvatyzavanym rasiejskimi kampanijami.
Artykuł 7
Kožny «subjekt choziajstvovanija» maje prava dezinfarmavać hramadstva byccam budzie pradadzieny niejkaj zachodniaj kampanii, kab prymusić rasiejskija kampanii padniać canu jahonaj pakupki.
Artykuł 8
Kožny «subjekt choziajstvovanija» maje prava na svabodu vyražeńnia niehatyŭnaha staŭleńnia na staronkach biełaruskich dziaržaŭnych ŚMI na adras podłych zdradnikaŭ słavianstva, tłustych aliharchičnych katoŭ z Hazpromu i Čubajsa asabista.
Artykuł 9
Kožny «subjekt choziajstvovanija» maje prava na svabodu mitynhaŭ svaich supracoŭnikaŭ kala rasiejskaj ambasady ŭ Miensku pad łozunhami “Hazprom – mahilščyk Sajuzu”.
Podpisy
VVP AHŁ
Kamientary