U Minsku pabudujuć centry dla ekstrannaj miedycynskaj dapamohi
U Minsku płanujuć stvaryć fłahmanskija centry ekstrannaj miedycynskaj dapamohi. Abmierkavańnie realizacyi hetych prajektaŭ adbyłosia na naradzie ŭ Minharvykankamie.
Takija centry majuć źjavicca na bazie ŭžo najaŭnych miedustanoŭ — balnicy chutkaj miedycynskaj dapamohi, 10‑j haradskoj kliničnaj balnicy, a taksama Minskaha navukova-praktyčnaha centra chirurhii, transpłantałohii i hiematałohii. Pakul usie abjekty znachodziacca na etapie prajektavańnia.
Asnoŭnaja meta — zrabić ekstrannuju mieddapamohu ŭ stalicy bolš efiektyŭnaj i apieratyŭnaj. Pavodle słoŭ pradstaŭnikoŭ haradskoha ŭpraŭleńnia achovy zdaroŭja, u fłahmanskich centrach u miežach sutak buduć abjadnanyja chutkaja dyjahnostyka, kansultacyi i nieadkładnaje lačeńnie. Faktyčna heta śpiecyjalnyja karpusy, dzie pacyjentu stabilizujuć stan abo akažuć pieršasnuju miedycynskuju dapamohu.
Prajekt praduhledžvaje padzieł na try zony.
U «čyrvonuju» buduć traplać pacyjenty ŭ krytyčnym stanie, jakim patrebnaja intensiŭnaja terapija. «Žoŭtaja» zona pryznačanaja dla źniaćcia vostrych simptomaŭ, praviadzieńnia dyjahnostyki i vyznačeńnia dalejšaha maršrutu lačeńnia — apieracyja, stacyjanar abo ambułatornaja dapamoha. U «zialonuju» zonu buduć nakiroŭvać ludziej, čyj stan nie patrabuje intensiŭnaha ŭmiašańnia.
Mer Minska daručyŭ profilnym słužbam jak maha chutčej raspačać padrychtoŭku i ŭzhadnieńnie ŭsich rašeńniaŭ, nieabchodnych dla pačatku budaŭnictva. Terminy realizacyi buduć zaležać ad hatoŭnaści prajektaŭ, placovak i techničnych umoŭ.
Minzdaroŭja pieraviało svaju sistemu ŭ režym pavyšanaj hatoŭnaści
Minzdaroŭja zabaraniła vykarystoŭvać niekatoryja BADy rasijskaj vytvorčaści
Minzdaroŭja ŭniesła źmieny ŭ praviły pracy chutkaj dapamohi — vyznačany dakładny čas prybyćcia miedykaŭ na vyklik
Minzdaroŭja ŭstanaviła vierchni paroh cen na niekatoryja leki
Kamientary