U toj ža dzień adbyłasia hutarka Nazarbajeva z Pucinym.
Telefonnaja razmova prezidentaŭ Kazachstana i ZŠA adbyłasia ŭviečary paniadziełka. Pierad hetym kiraŭnik Kazachstana hutaryŭ z kanclerkaj FRH Mierkiel, pieradajuć infarmacyjnyja ahienctvy.
Ukrainski kryzis pavinien być urehulavany «šlacham dyjałohu pamiž usimi zacikaŭlenymi bakami, vykarystańnia mahčymych miechanizmaŭ mižnarodnaha pasrednictva dla zabieśpiačeńnia terytaryjalnaj cełasnaści hetaj krainy, a taksama admovy ad uzajemnych pahroz i ŭltymatumaŭ».
Takuju zajavu zrabiŭ prezident Kazachstana Nursułtan Nazarbajeŭ padčas telefonnaj hutarki z kancleram FRH Anhiełaj Mierkiel 10 sakavika.
Pavodle infarmacyi pres-słužby kazachstanskaha kiraŭnika, Nazarbajeŭ vykazaŭ hatoŭnaść Kazachstana zrabić pry nieabchodnaści svoj kanstruktyŭny ŭniosak u vypracoŭku kampramisnych rašeńniaŭ dla mirnaha vyrašeńnia situacyi va Ukrainie.
U hutarcy z prezidentam Rasii Uładzimiram Pucinym aficyjny lidar Kazachstana adznačyŭ, što jaho kraina jak stratehičny partnior «z razumieńniem stavicca da pazicyi Rasii, jakaja abaraniaje pravy nacyjanalnych mienšaściaŭ va Ukrainie, a taksama intaresy svajoj biaśpieki».
U toj ža čas jon vykazaŭ nadzieju, što ŭsie zacikaŭlenyja ŭdzielniki buduć vykazvać strymanaść i raspačnuć miery dla najchutčejšaj narmalizacyi situacyi šlacham pieramoŭ. Nazarbajeŭ «vykazaŭ svajo mierkavańnie pra nieabchodnaść mirnaha ŭrehulavańnia kryzisu va Ukrainie na asnovie zachavańnia suvierenitetu i ŭ adpaviednaści z normami mižnarodnaha prava».
Na 16 sakavika krymskija sieparatysty pryznačyli refierendum ab statusie paŭvostrava. Novyja ŭkrainskija ŭłady i bolšaść krain śvietu ličać jaho praviadzieńnie niezakonnym. Zachad pahražaje Rasii sankcyjami ŭ vypadku anieksii Krymu i ŭvarvańnia na terytoryju kantynientalnaj Ukrainy.
Ciapier čytajuć
Pamior paet Uładzimir Karyzna, aŭtar słoŭ da ciapierašniaha dziaržaŭnaha himna Biełarusi8
Kamientary