Jarmošyna: Kolkaść kandydataŭ u prezidenty — nie pakazčyk demakratyi, a adsutnaść paradku
Kolkaść kandydataŭ u prezidenty na vybarach 2015 hoda «budzie zaležać ad taho, jak šmat ludziej atrymajuć hrošy i kart-błanš». Takoje mierkavańnie vykazała ŭ interv`iu BiełaPAN staršynia Centrvybarkama Lidzija Jarmošyna.
«Ale Centrvybarkamu lepš, kali ich mienš. U nas adzin buchhałtarski rabotnik, jaki zajmajecca finansavańniem vybarčych kamisij, jamu vielmi ciažka dadatkova jašče i manitoryć adkryćcio finansavych rachunkaŭ kandydataŭ, vydatkoŭvańnie na ich srodkaŭ.
Tym bolš što kandydaty ŭ prezidenty zaraz zmohuć adkryvać svaje fondy z momantu rehistracyi inicyjatyŭnych hrup», — skazała kiraŭnik CVK.
Jarmošyna nie dumaje, što na vybarach budzie šmat kandydataŭ u prezidenty. «Moža być, i buduć kandydaty zusim niesur`ioznyja. U nas ža na vybary moža pajści luby: biespracoŭny, bomž — usie chto zaŭhodna. Viadoma, ź`iaviacca pretendenty, jakija navat podpisy nie źbirajuć. Im kandydactva treba tolki dla samarekłamy. Ale da momantu rehistracyi kandydataŭ jany adsiejucca», — ličyć jana.
Pavodle mierkavańnia kiraŭnika CVK, «šmat kandydataŭ — heta nie pakazčyk demakratyi». «Heta pakazčyk adsutnaści poŭnaha paradku.
Chiba šmat kandydataŭ u prezidenty ŭ ZŠA? Prosta tam ludzi bolš realna padychodziać da svaich mahčymaściaŭ», — zaŭvažyła Jarmošyna.
Prezidenckija vybary pavinny prajści ŭ Biełarusi nie paźniej za 20 listapada 2015 hoda.
Ciapier čytajuć
Byłoha supracoŭnika kontrraźviedki KDB aryštavali za zdradu dziaržavie7
Kamientary