Danieckija sieparatysty pahražajuć sfarmavać «narodny abłasny saviet» i pravieści refierendum ab dałučeńni vobłaści da Rasii.
Pra heta jany zajavili praz hukaŭzmacnialnuju aparaturu, ustalavanuju ŭ zachoplenym budynku abłasnoha savieta / abłasnoj dziaržaŭnaj administracyi.
Zachopniki začytali rezalucyju, u jakoj patrabujuć nieadkładnaha sklikańnia pazačarhovaj siesii Danieckaha abłasnoha savieta i pryniaćcia joju rašeńnia ab praviadzieńni refierendumu ab uvachodžańni ŭ skład Rasii.
Kali siońnia da apoŭnačy nie budzie sklikana pazačarhovaja siesija, to sieparatysty pahražajuć abviaścić u paniadziełak u 12 hadzin «narodny mandat», heta značyć «raspuścić abłasny saviet» i ŭ jakaści deputataŭ «abrać pradstaŭnikoŭ» ad usich pradstaŭnikoŭ hramadskaści ŭ vobłaści.
Jany zaklikajuć svaich prychilnikaŭ pryjści da administracyjnaha budynka i padtrymać ich. U ciapierašni čas u budynak ADA zanosiać u vialikaj kolkaści pradukty charčavańnia, paviedamlaje Unian.net.
17:15
Mitynhoŭcy patrapili ŭ budynak administracyi, prarvaŭšy kardon milicyi. Supracoŭniki pravaachoŭnych orhanaŭ padahnali da budynka vadamiot.
Raniej stała viadoma, što na płoščy Lenina ŭ Daniecku prajšoŭ mitynh. Udzielniki akcyi, kolkaść jakich aceńvajecca ad piacisot da dźviuch tysiač čałaviek, skandavali łozunhi, trymajučy ŭ rukach ściahi Rasijskaj Fiederacyi, hieorhijeŭskija stužki, a taksama ściahi prarasijskich hramadskich arhanizacyj.
Live streaming video by Ustream
U Łuhansku mitynhoŭcy ŭziali šturmam budynak SBU.
Natoŭp vybiŭ dźviery i ŭvarvaŭsia ŭ budynak. Dźviery litaralna źnieśli.
Tut ža mitynhoŭcy prabralisia na druhi pavierch i pačali łamać vokny vielizarnymi cahlinami. Niekalki «aktyvistaŭ» zabralisia na karniz budynka. La ŭvachodu ŭ budynak valić dym: pajšli ŭ chod dymavyja šaški. Taksama na miesca prybyŭ reanimabil.
U Charkavie aktyvisty Antymajdanu z abodvuch bakoŭ zabłakavali vulicu Rymarskuju, nie vypuskajučy prychilnikaŭ Jeŭramajdanu.
U Charkavie supracoŭnikam milicyi ŭdałosia vyvieści z akružeńnia aktyvistaŭ Antymajdanu amal dva dziesiatki jeŭramajdanaŭcaŭ.
Bolš za paŭtary hadziny milicyjanty vyvodzili aktyvistaŭ Jeŭramajdanu ad teatra im. Šaŭčenki pa zavułku Kłasičnym da vulicy Kłačkoŭskaj. Antymajdanaŭcy patrabavali samasudu, i prabivajučysia praz kardon milicyi, sprabavali bić jeŭramajdanaŭcaŭ. Adbyłosia niekalki sutyčak. U natoŭpie vykarystoŭvaŭsia haz.
U vyniku hetaha niekalki čałaviek atrymali traŭmy, u ich raźbityja tvary. Na vulicy Kłačkoŭskaj jeŭramajdanaŭcaŭ pahruzili ŭ aŭtazak.
Siońnia ŭ Charkavie kala tysiačy ahresiŭna nastrojenych prarasiejskich aktyvistaŭ pikietavali hienkonsulstva Rasii i Polščy. Zatym jany padzialilisia na dźvie častki i razyšlisia pa roznych napramkach da centra horada.
Kamientary