Bajevikam, jakija šturmavali administracyjnyja budynki ŭ Słaviansku, daŭ prytułak miascovy pravasłaŭny centr.
Pra heta siońnia zajaviła žurnalistam mer Słavianska Niela Štepa.
Jana raspaviała, što «piać dzion tamu voś hetyja ŭzbrojenyja paŭstancy sabralisia za horadam Arciomaŭskam ŭ dvuch KaMAZach, paśla hetaha, pa ŭzhadnieńni z našym pravasłaŭnym baciuškam ajcom Vitalom, jany raźmiaścilisia ŭ jaho ŭ pravasłaŭnym centry».
«Mnie patelefanavali žychary i paviedamili, što kala 150 całkam uzbrojenych čałaviek vyjšli z hetaha pravasłaŭnaha centra i da ich dałučylisia 300 čałaviek, jakich zaprasiŭ ajciec Vital — heta byłyja afhancy i vajennyja, jakija dałučylisia da hetych paŭstancaŭ. Hetym 300 čałaviekam paŭstancy dali poŭnyja paŭnamoctvy i jany siońnia, što chočuć, toje i robiać u horadzie», — zajaviła Štepa.
Mer taksama raspaviała, što «siońnia nočču čałaviek jechaŭ na pracu z Charkava ŭ Biardziansk, jaho spynili prostyja słavianskija chłopcy jakija vyrašyli pahulać «u vajnušku», jakija vyrašyli, što jany ŭžo hałoŭnyja ŭ hetym žyćci, — spynili, pačali šmanać mašynu, mužčyna im akazaŭ supraciŭ, jany jaho va ŭpor rasstralali».
Pa słovach Štepy, siońnia hety mužčyna «ŭ ciažkim stanie, u jaho prastrelenyja nohi, ruki, tułava, i my jamu robim apieracyju za apieracyjaj, kab jaho vyratavać».
Miascovyja žychary Słavianska i Śviatahorska taksama paviedamili, što tak zvany «centr rasijskich dyviersantaŭ» raźmiaščaŭsia ŭ Śviatahorskaj Śviata-Uśpienskaj Łaŭry Maskoŭskaha patryjarchatu UPC Danieckaj Jeparchii.
Ciapier čytajuć
Pamior paet Uładzimir Karyzna, aŭtar słoŭ da ciapierašniaha dziaržaŭnaha himna Biełarusi8
Kamientary