Pres-sakratar sacyjalnaj sietki «Vkontaktie» Hieorhij Łobuškin paćvierdziŭ telekanału «Dožd́» infarmacyju pra toje, što hienieralny dyrektar kampanii Pavieł Duraŭ syšoŭ sa svajoj pasady.
Raniej 21 krasavika ab zvalnieńni Durova paviedamiła ahienctva RBK sa spasyłkaj na vykanaŭčaha dyrektara «Vkontaktie» Dźmitryja Siarhiejeva.
Jak paviedamlałasia, zasnavalnik i hiendyrektar sacsietki napisaŭ zajavu ab zvalnieńni 21 sakavika. Jon paviedamiŭ pra heta 1 krasavika, a paźniej nazvaŭ heta pieršakrasavickim žartam. Adnak, pa słovach Siarhiejeva,
svaju zajavu Duraŭ nie adklikaŭ. U suviazi z hetym praz 30 dzion mieniedžmient kampanii pryniaŭ rašeńnie ab jaho zvalnieńni.
U studzieni stała viadoma, što Duraŭ pradaŭ svaju dolu ŭ sacsietcy.
Pa źviestkach ŚMI, ździełka była zaklučanaja ŭ śniežni 2013 hoda. Uładalnikam akcyj zasnavalnika sacsietki staŭ Ivan Taŭryn - hiendyrektar «Miehafona» i suŭładalnik (razam z Ališeram Usmanavym) televizijnaha chołdynhu JUTV.
Jak raspavioŭ tady Duraŭ, apošnija niekalki hadoŭ jon «aktyŭna pazbaŭlaŭsia ad ułasnaści < …>, ad mebli i rečaŭ da nieruchomaści i kampanij», i «da dasiahnieńnia ideału» jamu zastavałasia pradać 12-pracentnuju dolu ŭ svajoj kampanii.
Paźniej jon zajaviŭ, što byŭ vymušany pradać akcyi z-za taho, što FSB akazvała na supracoŭnikaŭ sacsietki cisk paśla admovy raskryvać infarmacyju pra stvaralnikaŭ hrup, pryśviečanych pratestam va Ukrainie, a taksama błakavać antykarupcyjnuju hrupu Alaksieja Navalnaha.
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3939
Kamientary