U Minsku na vulicy Majakoŭskaha adkryŭsia novy sučasny šmatprofilny miedycynski centr. Jon abjadnaŭ try ŭstanovy: stamatałahičnuju palikliniku, haradski endakrynałahičny centr i centr płastyčnaj chirurhii z kaśmietałohijaj, piša BiełTA.
U novym miedycynskim centry raźmieściacca try ŭstanovy.
Stamatałahičnaja paliklinika №10
Staraja paliklinika, jakaja pracavała z 1982 hoda ŭ zvyčajnym žyłym domie, ciapier atrymała novy sučasny budynak. Tut źjavilisia novyja adździaleńni — artapiedyčnaje, artadantyčnaje, zubatechničnaja łabaratoryja i śpiecyjalizavany kabiniet rańniaj dyjahnostyki ankałahičnych chvarob połaści rota.
Usiaho paliklinika moža prymać da 330 pacyjentaŭ za źmienu. Płoščy, sučasnaje abstalavańnie i novyja mahčymaści dazvolać akazvać kompleksnaje lačeńnie: terapieŭtyčnaje, chirurhičnaje i artapiedyčnaje.
Minski haradski endakrynałahičny centr
Centr śpiecyjalizujecca na dapamozie pacyjentam z endakrynałahičnymi zachvorvańniami, u tym liku z cukrovym dyjabietam. Płanujecca adkryćcio kabinietaŭ funkcyjanalnaj dyjahnostyki, dzie buduć pravodzicca elektraniejramijahrafija, sutačny manitorynh cisku i EKH. Asablivaja ŭvaha nadajecca adździaleńniu «Dyjabietyčnaja stupnia», dzie ciapier možna pravodzić ambułatornyja apieracyi z vykarystańniem łaziernych technałohij. Śćviardžajecca, što heta ŭnikalnaja praktyka dla ŭsioj postsavieckaj prastory.
Kliničny centr płastyčnaj chirurhii i kaśmietałohii
Heta adzinaja dziaržaŭnaja ŭstanova ŭ Biełarusi, jakaja akazvaje poŭny śpiektr pasłuh u halinie estetyčnaj i płastyčnaj chirurhii. U novym budynku płoščaj bolš za 5 tys. m² stvoranyja sučasnyja ŭmovy dla pacyjentaŭ i miedpiersanału. Centr absłuhoŭvaje kala 90 tysiač čałaviek u hod i pravodzić kala 2,5 tysiač apieracyj. Dadadzienyja novyja kirunki — estetyčnaja hiniekałohija i otarynałarynhałohija. Taksama zakuplena najnoŭšaje abstalavańnie, u tym liku sistema videadermataskapii dla dyjahnostyki novaŭtvareńniaŭ skury.
Ciapier čytajuć
Aryštavany viadomy nieŭrołah Rusłan Badamšyn. Jon byŭ na chatniaj chimii12
Kamientary