U Maskvie adbyłasia cyrymonija ŭznaharodžańnia łaŭreataŭ mižnarodnaha litaraturnaha konkursu «Ruskaja Premija» pa vynikach 2013 hoda. Jak paviedamlajecca na aficyjnym sajcie prajekta, u naminacyi «vialikaja proza» pieršuju premiju atrymaŭ tryccacihadovy piśmieńnik ź Minska Saša Filipienka za jaho debiutny raman «Były syn», jaki vyjšaŭ u vydaviectvie «Vriemia».
Raman raspaviadaje pra Minsk 1999-2012 hh. Zaviazka hetaj knihi zaklučajecca ŭ tym, što hieroj lažyć u komie, u jakuju trapiŭ paśla trahiedyi na stancyi mietro «Niamiha» (u mai 1999 h.), a jaho babula raspaviadaje jamu, što adbyvajecca ŭ stalicy.
Uručajučy premiju, staršynia žury, hałoŭny redaktar časopisa «Znamia» Siarhiej Čuprynin pryznaŭ, što ŭ jaho «jość šerah zaŭvah», ale patencyjał pačatkoŭca aŭtara niesumnieŭny, paviedamlaje Tut.by.
Saša Filipienka — ciapier žurnalist telekanała «Dožd́», viadzie prahramu «Viačerni Hierasimiec».
Kraina, jakaja znachodzicca ŭ komie: žurnalist rasijskaha telekanała napisaŭ raman pra Biełaruś
Kamientary