U Minsku raspaŭsiudžvajucca roznyja čutki adnosna hieorhijeŭskich stužak i rasijskich ściažkoŭ
Jak viadoma, «Biełaja Ruś» i BRSM dali zahad pa svajoj viertykali nie ŭžyvać na 9 Maja hieorhijeŭskija stužki, a karystacca dziaržaŭnaj simvolikaj — čyrvona-zialonymi kolerami. Ci to ŭ suviazi z hetym ukazańniem, ci to paralelna ź im, ale pa Minsku papaŭźli čutki adnosna hetaha.
Tak, supracoŭnik adnoj ź sietak hipiermarkietaŭ raskazaŭ «Našaj Nivie», što ich dyrektar zahadaŭ źniać hieorhijeŭskija stužki z mašyn, bo «mahčymyja incydenty, tyja mašyny, dzie visiać hieorhijeŭskija stužki, mohuć raźbivać». A šafiory pradpryjemstva, u svaju čarhu, raskazvajuć, što, nibyta, KDB stavić na ŭlik ułaśnikaŭ tych aŭtamabilaŭ, u jakich vystaŭlenyja rasijskija trykałory.
Jak stała viadoma, ad razdačy hieorhijeŭskich stužak admoviŭsia «Jeŭraopt». Raniej krama nabirała dziaŭčat dla ich razdačy i płaciła im 25 tysiač rubloŭ za hadzinu.
Źnikła rasijskaja simvolika i z budynka HUMa. Šylda z hieorhijeŭskaj stužkaj zastałasia tolki nad uvachodam - ściažki, vyviešanyja na karnizie pa pierymietry budynka, zamianili na čyrvona-zialonyja z nadpisam «Sa śviatam!».
Hipiermarkiety «Prastor» pačali razdavać čorna-arnažavyja stužki adnoj ź pieršych. Adnak za dva dni da 9 Maja pierastali heta rabić. Pryčyna - zahad kiraŭnictva.
Hieorhijeŭskuju stužku stali masava papularyzavać u Rasii pry Pucinu. Adnak paśla padziej va Ukrainie stužka pačała asacyjavacca ź impierskimi pamknieńniami.
Maksim Znak naviedaŭ śpiektakl «Zekamieron», pastaŭleny pa jahonaj knizie, napisanaj u SIZA4
Kamientary