Śpievaka, biełarusa z afrykanskimi karaniami adpravili ŭ kałoniju za ŭdzieł u pratestach
Na pačatku hodu ŭ sudzie Maskoŭskaha rajonu Minska adbyŭsia razhlad kryminalnaj spravy ŭ dačynieńni da Daniela-Łandsieja Kiejty. Jamu była inkryminavana č. 1 art. 342 KK. Praces viała sudździa Taćciana Pirožnikava.
Jak ciapier stała viadoma pravaabaroncam, chłopcu pryznačyli 2 hady pazbaŭleńnia voli. Jon znachodzicca ŭ škłoŭskaj kałonii, piša «Viasna».
Pra zatrymańnie chłopca stała viadoma ŭ minułym červieni — na videa siłavikoŭ jon «pryznavaŭsia» ŭ tym, što ŭ 2020 hodzie ŭdzielničaŭ u akcyjach pratestu, pakidaŭ niehatyŭnyja kamientary pra milicyjantaŭ i pradstaŭnikoŭ ułady, a taksama drenna staviŭsia da rasijskich vajskoŭcaŭ, jakija vajujuć va Ukrainie.
Viadoma, što chłopiec — łaŭreat I stupieni respublikanskaha konkursu junych vakalistaŭ imia Šalapina i łaŭreat III stupieni mižnarodnaha konkursu junych vakalistaŭ imia Šalapina. Jon taksama byŭ pieŭčym pravasłaŭnaha choru.
Pra Miełkaziorava ŭ jaho apošni dzień: «Było adčuvańnie, što jon stomleny, brakuje enierhii, rysy tvaru byli zapałyja»5
Kamientary