Pavodle źviestak Statystyčnaha kamitetu SND, padaražańnie charčovych tavaraŭ i enerhanośbitaŭ u Rasiei niepasredna ŭpłyvaje na ekanomiki susiednich ź joj krainaŭ.
Inflacyjny šok, spravakavany padaražańniem charčovych tavaraŭ i enerhanośbitaŭ, zakranuŭ nia tolki rasiejskuju ekanomiku, adznačaje «Kommiersant». Tak, pavodle dadzienych Statystyčnaha kamitetu ŭ studzieni‑vieraśni biahučaha hodu ŭ paraŭnańni z adpaviednym peryjadam minułaha hodu naziraŭsia zaŭvažny rost cenaŭ na postsavieckaj prastory. U Tadžykistanie jon skłaŭ 12,3%, Azierbajdžanie — 11,0%, Kyrhyzstanie — 10,3%, Małdovie — 9,0%, Kazachstanie i Ŭkrainie pa 8,6%, Hruzii — 6,2%, Biełarusi — 5,2%. Vyniatkam stała Armenija, dzie nazirałasia deflacyja na ŭzroŭni 0,2%. Va ŭsich vyšejpamianionych krainach, akramia Małdovy i Armenii, rost cenaŭ sioleta pieravysiŭ letašni pakazčyk. Jak miarkujuć ekanamisty, sakret armianskaha fenomenu tłumačycca štučnym strymańniem inflacyi, a ŭ Małdovie, na dumku eksperta «Rieniessans Kapitała» Kaciaryny Małafiejevaj, vosieńniu patańnieła harodnina. Ekspert HSBC Alaksandar Marozaŭ tłumačyć vosieńskuju inflacyju na postsavieckaj prastory vysokaj dolaj charčovych tavaraŭ u struktury spažyvańnia nasielnictva hetaha rehijonu.
K. Małafiejeva, i A. Marozaŭ vykazvajuć mierkavańnie, što Rasieja akazvaje niepasredny ŭpłyŭ na ŭzrovień inflacyi ŭ krainach SND. Najpierš rost inflacyi tłumačycca padaražańniem enerhanośbitaŭ.
Ciapier čytajuć
Źmicier Daškievič skazaŭ, što treba rabić biełarusam zaraz, kab kraina stała svabodnaj i niezaležnaj33
Kamientary