Kałas raskrytykavała ZŠA za toje, što jany nie ŭzmacniajuć cisk na Rasiju.
Dziaržsakratar ZŠA Marko Rubia i vysokaja pradstaŭnica ES pa zamiežnych spravach i palitycy biaśpieki Kaja Kałas na sustrečy G7 abmianialisia rezkimi kamientarami adnosna vajny Rasii suprać Ukrainy. Pra heta paviedamlaje RBK-Ukraina sa spasyłkaj na Axios.
Padčas abmierkavańnia situacyi va Ukrainie Kałas raskrytykavała ZŠA za toje, što jany nie ŭzmacniajuć cisk na Rasiju. Jana zhadała, jak hod tamu Rubia paviedamiŭ, što ZŠA buduć prymać miery suprać Rasii, kali jana pieraškadžaje namahańniam Štataŭ pa spynieńni vajny.
«Prajšoŭ hod, a Rasija nie zrušyła ź miesca. Kali ž skončycca vaša ciarpieńnie?» — spytała Kałas.
Rubia byŭ razdražniony takim pytańniem. «My robim usio mahčymaje, kab pakłaści kaniec vajnie.
Kali vy ličycie, što možacie zrabić heta lepš — kali łaska. My adstupim u bok», — adkazaŭ jon.
Rubia taksama dadaŭ, što ZŠA viadzie pieramovy z abiedźviuma bakami, pry hetym dapamahajučy tolki Ukrainie zbrojaj, raźvieddanymi i inšaj padtrymkaj.
Paśla hetaha dyjałohu niekalki jeŭrapiejskich ministraŭ ustupili ŭ razmovu i zajavili, što chočuć, kab ZŠA praciahvali šlach dypłamatyi.
Pavodle krynic, naprykancy sustrečy Rubia i Kałłas nienadoŭha adyšli ŭ bok, kab pasprabavać supakoić abstanoŭku.
U razmovie z žurnalistami paśla sustrečy G7 Dziaržsakratar ZŠA adprečyŭ luboje napružańnie ci krytyku: «Hetyja sustrečy časta pryśviečanyja vykazvańniu padziaki Amierycy za našu rolu… I pryznańniu pasiarednickaj roli, jakuju my imknulisia adyhrać u hetaj vajnie pamiž Rasijaj i Ukrainaj. Nichto tam nie kryčyć, nie pavyšaje hołas i ničoha niehatyŭnaha nie kaža», — skazaŭ jon.
Ciapier čytajuć
Biaspałaŭ namalavaŭ ludziej sa ściahami ŭ centry Minska i adpraviŭ fota ŭ milicyju. Źjechalisia try mašyny ź mihałkami51
Kamientary