«Hazprom» pieranios z 3 na 9 červienia ŭviadzieńnie režymu pieradapłaty za pastaŭki hazu. Pra heta ŭ paniadziełak paviedamiŭ kiraŭnik rasijskaj kampanii Alaksiej Miler. Pavodle jaho słoŭ, uviadzieńnie pieradapłaty budzie zaležać ad poŭnaha pahašeńnia ŭkrainskim bokam doŭhu pamieram $2,2 młrd.
Miler paćvierdziŭ, što kampanija atrymała 786 młn dalaraŭ. «My vitajem pačatak pahašeńnia doŭhu Ukrainaj i pieranosim režym pieradapłaty na 9 červienia. Uviadzieńnie režymu pieradapłaty budzie zaležać ad pahašeńnia ŭ poŭnym abjomie doŭhu za pastaŭleny da 1 krasavika haz u abjomie 2,237 miljarda dalaraŭ, častka jakoha siońnia była apłačana, i ad prahresu ŭ płaciažach za pastaŭki krasavika i maja», — dadaŭ jon.
Pavodle jaho słoŭ, apłata za maj pavinna być praviedziena da 9 červienia.
Raniej kampanija zajaŭlała, što kali «Naftahaz Ukrainy» da kanca dnia 2 červienia nie pieraličyć na rachunak manapolii pieradapłatu za červieńskija pastaŭki, to z 3 červienia «Hazprom» abmiažuje pastaŭki hazu.
Ciapier čytajuć
U dakumientach pa «spravie Epštejna» znajšli ślady bujnych hrašovych pieravodaŭ u Minsk. Znoŭ uspłyło imia Karyny Šulak34
Kamientary