Za ŭčynieńnie rabavańnia asudžany 22-hadovy raniej dvojčy sudzimy za kradziažy bieraściejec, jaki nidzie nie pracuje.
Jak paviedamiŭ staršy prakuror adździeła prakuratury Bresckaj vobłaści Hienadź Bury, viečaram 18 kastryčnika 2013 hoda chłopiec pranik u kvateru, dzie žyŭ małady čałaviek, jaki raniej pad vyhladam spajsu zbyŭ jamu praź internet travu padbieł. Za heta rabaŭnik vyrašyŭ razabracca z machlarom.
Dla taho kab trapić u kvateru, jon paprasiŭ pazvanić u dźviery dziaŭčynu. Uvarvaŭšysia ŭ kvateru, złamyśnik zakryčaŭ «Narkakantrol!» i pchnuŭ maładoha čałavieka, jaki adčyniŭ dźviery, na padłohu, a jaho hościa prymusiŭ lehčy na kanapu. Zatym zapatrabavaŭ narkotyki i hrošy.
Paśla taho jak chłopiec, jaki žyŭ u hetaj kvatery, pryznaŭsia, što ašukvaŭ ludziej takim čynam, ale narkotykaŭ u jaho niama, złačynca zavałodaŭ arhtechnikaj i mabilnymi telefonami paciarpiełych na ahulnuju sumu bolš jak 10 młn. rubloŭ i ŭciok.
Maładyja ludzi zajavili pra heta ŭ milicyju. Padčas apieratyŭna-vyšukovych mierapryjemstvaŭ supracoŭniki pravaachoŭnych orhanaŭ zatrymali złačynca. U jaho było kanfiskavana kradzienaje.
6 červienia 2014 hoda sud Leninskaha rajona Bresta pryznaŭ rabaŭnika vinavatym u adkrytym vykradańni majomaści, spałučanym z nasillem, nie niebiaśpiečnym dla žyćcia i zdaroŭja paciarpiełych, z praniknieńniem u žyllo paŭtorna (č. 2 art. 206 KK) i prahavaryŭ da dvuch hadoŭ i šaści miesiacaŭ abmiežavańnia voli z nakiravańniem u papraŭčuju ŭstanovu adkrytaha typu.
Abvinavačvany nie abskardziŭ pryhavor, i vierdykt nabyŭ zakonnuju moc.
Ciapier čytajuć
Andrej Švied, architektar represij, pryznačany staršynioj Viarchoŭnaha suda10
Kamientary