Dziaržaŭnyja miedyja nie kažuć pra achviar vybuchu ŭ Homieli, kab nie było niehatyvu ŭ dni UNS?
Jak stała viadoma «Našaj Nivie», asnoŭnaj pryčynaj trahiedyi na hety momant ličycca vybuch niajakasnaha abstalavańnia pry mantažy naviasnych stolaŭ. Ale treba razumieć, što ŭ kvatery byli ludzi. Što ź imi — nieviadoma.
Za dzień da Usiebiełaruskaha narodnaha schodu, u samy razhar infarmacyjnaj preludyi da jaho, u homielskim dziesiacipaviarchoviku hrymnuŭ vybuch. Padjezd vystajaŭ, ale vierchnija pavierchi buduć demantavać dla zamieny paškodžanych kanstrukcyj. Siońnia para b užo paviedamić pra pryčyny nieardynarnaha zdareńnia, pra kolkaść paciarpiełych, pra najaŭnaść zahinułych. Ale dziaržaŭnyja resursy vyvaročvajucca ŭ inšaskazańniach i ekivokach, vychodziačy za ramki zdarovaha sensu.
17 śniežnia na 7‑m paviersie homielskaha dziesiacipaviarchovika pa vulicy Kosarava vybuchnuła «hazapavietranaja sumieś», u vyniku čaho abrynułasia niekalki pierakryćciaŭ doma. Adna ź bietonnych plit ledź nie vylecieła na vulicu.
U pieršyja hadziny paśla zdareńnia sapraŭdy było nie razabracca, ci jość pad zavałami achviary i kolki ich. Ale ŭ dziaržaŭnych ŚMI zahadzia pačali prymianšać masštab padziei: «ni ŭ stacyjanary, ni da daktaroŭ chutkaj dapamohi nichto nie źviartaŭsia», pry hetym adnačasova: «adzinaje, byli špitalizavanyja try čałavieki».
U viečarovych navinach na ANT pra vybuch skazali tolki na šostaj chvilinie. Viadučaja paviedamiła, što iduć raboty pa pošuku paciarpiełych i vyznačeńni pryčyn zdareńnia. Užo chutka sutki, jak abnaŭleńniaŭ pa hetaj temie niama.
Ranicaj MNS apublikavała videa z pašukovych rabot z sabakami, supravadziŭšy jaho kamientaryjem «žyvych ludziej pad zavałami nie znojdziena». A niežyvych?
Nie ahučana i papiaredniaja pryčyna zdareńnia. Pry hetym pa apublikavanych pieršych fota jasna, što epicentr vybuchu byŭ nie na kuchni: heta pad žyłym pakojem pravalilisia pavierchi, i jaho ž ścianu ledź nie vykinuła na vulicu.
Taksama pa kanstrukcyjach dla vyraŭnivańnia stoli na bałkonie paciarpiełaj kvatery možna zrabić vysnovu, što ŭ joj vioŭsia ramont.
Jak stała viadoma «Našaj Nivie», asnoŭnaj pryčynaj taho, što adbyłosia, na hety momant razhladajecca vybuch niajakasnaha abstalavańnia pry mantažy naviasnych stolaŭ.
Ale tady treba razumieć, što ŭ kvatery byli ludzi. Naprykład, anałahičny vypadak u 2019‑m hodzie adbyŭsia ŭ Drahičynie. Tady ŭ reanimacyi apynulisia dvoje rabočych i ŭłaśnica kvatery.
Minsk siońnia viečaram pahruziŭsia ŭ ciemru. Paśla zahadu Łukašenki51
Minsk siońnia viečaram pahruziŭsia ŭ ciemru. Paśla zahadu Łukašenki
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»35
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
Kamientary