Liha Jeŭropy: «Šachcior» atrymaŭ histaryčnuju pieramohu nad «Dery Sici», a «Dynama» prajšło finaŭ
Siońnia adbyvajucca matčy druhoha kvalifikacyjnaha raŭnda futbolnaj Lihi Jeŭropy. Na hetaj stadyi turniru ŭdzieł prymajuć try biełaruskija kamandy – «Dynama», «Šachcior» i «Nioman».
Pieršymi siońnia hulali staličnyja «dynamaŭcy». U Finlandyi im supraćstajała kamanda «MiuPa-47». Tydzień tamu ŭ Minsku biełarusy byli macniej – 3:0.
Heta dazvoliła hałoŭnaha trenieru «Dynama» pakinuć u zapasie niekalkich lidaraŭ. Admietna, što tranślacyi hetaj hulni nie było nie tolki na telebačańni, ale i ŭ internecie.
Miarkujučy z tekstavych tranślacyi ź miesca, naprykancy hulni małady forvard «Dynama» Nikicin nie realizavaŭ niekalki cudoŭnych momantaŭ. Hałoŭ kamandy nie zabili – 0:0.
***
U Salihorsk da miascovaha «Šachciora» pryjechaŭ irłandski «Dery Sici». Matč tydniovaj daŭniny prynios pieramohu našym chłopcam – 1:0.
Hulnia pačałasia horš nie prydumaješ. Užo na šostaj chvilinie hulec «Dery» Dafi adkryŭ lik. Praŭda, praz čatyry chviliny Siarhieju Bałanoviču ŭdałosia adkvitać miač.
Dalejšaja hulnia pakazała, što «Šachcior» byŭ na hałavu macniej supiernikaŭ. Hały jašče zabivali Alaksandr Huruli, Dźmitryj Asipienka, Mikałaj Januš, Illa Haluza. Pieramoha biełaruskaha kłuba – 5:1.
Pieramoha «Šachciora» važnaja choć by tym, što hety kłub doŭhi čas nie moh prajści startavy raŭnd jeŭrakubkaŭ (13 hadoŭ). Časam vielmi kryŭdna sastupajučy nie nadta pieraŭzychodziačym u kłasie kamandam. Ciapier hetaja «čornaja pałasa» pierarvałasia.
***
A 22:15 hrodzienski «Nioman» pačnie matč u dalokaj Isłandyi suprać lidara tamtejšaha čempijanatu «Chabnarfjordziura». Pieršaja hulnia pryniesła vynik – 1:1.
Ciapier čytajuć
Što aznačaje rasśledavańnie Mižnarodnaha kryminalnaha suda dla Łukašenki i biełarusaŭ? Tłumačyć Kaciaryna Dziajkała17
Kamientary