Bukmiekiery pačali prymać staŭki na Nobieleŭskuju premiju: Aleksijevič i Bialacki znoŭ u favarytach
Najbujniejšyja bukmiekierskija kantory śvietu adkryli linii na uładalnikaŭ sioletniaj Nobieleŭskaj premii, jakaja budzie prysudžanaja praz dva miesiacy, u kastryčniku.
Staŭki na Nobieleŭskuju premiju pa litaratury prymajuć adrazu čatyry kantory. Va ŭsich lidaram praciahvaje źjaŭlacca japoniec Charuki Murakami, staŭki na jaho prymajucca z kaeficyjentam 4 da 1. Murakami nie pieršy hod z'ŭlajecca naminalnym lidaram bukmiekierskich kantor, ale ŭznaharody ŭ vyniku dastajucca inšym litarataram.
Hod tamu kaeficyjenty zaškalvali na piśmieńnicu ź Biełarusi Śviatłanu Aleksijevič. Za paru dzion da ŭručeńnia Aleksijevič uvohule vyjšła na pieršaje miesca. U vyniku premija była addadzienaja kanadcy Elis Manro. Varta adznačyć, što jašče ni razu nie było, kab Nobieleŭskuju premiju pa litaratury dva hady zapar addavali žančynie. Staŭki na Aleksijevič roŭnyja 14 da 1.
5 da 1. Takija staŭki možna zrabić na 76-hadovaha piśmieńnika z Kienii Nhuhi Va Tchijonha. Jaho vydavali pa-rasiejsku jašče ŭ savieckija časy, jak sacyjalistyčnaha piśmieńnika Kienii. Doŭhi čas jon vykładaŭ va ŭniviersitetach ZŠA, ale apošnija 10 hadoŭ žyvie na Radzimie. Piša Tchijonha pa-anhielsku i na movie kikujiu.
Vysokija kaeficyjenty na jašče adnu litaratarku z Afryki – Asiju Džebar z Ałžyra (7 da 1). Jana doŭhi čas žyvie ŭ Francyju, jaje knihi taksama vydavali jašče za časami SSSR.
14 da 1. Tak možna pastavić na siryjskaha paeta Adonisa, amierykanku Džojs Kerał Oŭts, kitajca Bej Dao.
Na Nobieleŭskuju premiju mira staŭki prymaje tolki adna kantora – Paddypower. Lidaram u ich źjaŭlajecca doktar-hiniekołah z Demakratyčnaj Respubliki Konha (były Zair) Denis Mukviehie (Denis Mukwege) — zasnavalnik balnicy dla achviaraŭ seksualnaha hvałtu (4 da 1).
U kastryčniku 2012 h. u jaho kvateru ŭvarvalisia ŭzbrojenyja ludzi, jakija ŭziali ŭ zakładniki žonku i dačok Mukviehie, a paśla jaho prychodu dadomu pasprabavali zastrelić i samoha doktara Mukviehie i jaho siamju vyratavaŭ achoŭnik, jaki pryjšoŭ na dapamohu. Achoŭnik byŭ zabity, ale vymusiŭ napadnikaŭ źbiehčy.
Były palitviazień, pravaabaronca Aleś Bialacki vysoka znachodzicca ŭ śpisie. Letaś narviežskija ŚMI paviedamlali, što Bialacki zastaŭsia za krok ad uznaharody, jak atrymała Arhanizacyja pa zabaronie chimičnaj zbroi.
Krychu vyšej za Bialackaha aceńvajucca šancy rasijskaj «Novaj haziety» (16 da 1).
Na druhim miescy Papa Francišak (4,5 da 1), na trecim – amierykanski hramadski dziejač Džyn Šarp (8 da 1), aŭtar knih pa niehvałtoŭnaj baraćbie z aŭtarytarnymi režymami.
-
U Bierazinie pračnulisia pčoły. Dziaŭčynka, jakaja ich pabačyła, skaryła tyktok
-
«Biełarusy i ŭ Dubai biełarusy». Jak suajčyńniki arhanizavali dapamohu tym, chto nie moža viarnucca damoŭ praz zakrytaje nieba
-
«Pad kaniec adpačynku daviedalisia, što tut niama schoviščaŭ». Biełarusy, što znachodziacca ŭ AAE, raskazali, jak im tam ciapier
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii12
Kamientary