«Usim nam chaciełasia b praryvu i kankretnych damoŭlenaściej pa ŭrehulavańni kanfliktu va Ukrainie, ale ŭžo sam fakt ciapierašniaj sustrečy — niesumnienny pośpiech. Adbyłasia surjoznaja razmova pa ŭsim kompleksie pytańniaŭ, źviazanych z kryzisam va Ukrainie. Na žal, situacyja zajšła nastolki daloka, što pryncypovyja rašeńni na vyšejšym uzroŭni, nijakija asobnyja kroki, techničnyja damoŭlenaści nie pryviaduć da narmalizacyi. Viadoma, usim nam chaciełasia b nieadkładnych kardynalnych rašeńniaŭ, kankretnych damoŭlenaściej pa spynieńni krovapralićcia i pačatku palityčnaha dyjałohu, ale heta niemahčyma. Treba vypracavać asnovu», — zajaviŭ Alaksandr Łukašenka 26 žniŭnia pa vynikach pasiadžeńnia ŭ Minsku prezidentaŭ krain Mytnaha sajuza, Ukrainy i pradstaŭnikoŭ ES.
Jon vyjšaŭ da presy adzin i rastłumačyŭ, što astatnija ŭdzielniki pieramovaŭ upaŭnavažvali jaho paviedamić žurnalistam ab vynikach sustrečy, jakaja doŭžyłasia čatyry hadziny.
«Pieramovy byli niaprostymi, ale dyjałoh byŭ pradmietnym i adkrytym, choć pazicyi bakoŭ adroźnivalisia časam kardynalna, — skazaŭ Łukašenka. — Ale važna, što ŭsie ŭdzielniki ličać, što treba šukać kampramis».
Pavodle jaho słoŭ, udzielniki zajavili ab nieabchodnaści deeskałacyi kanfliktu, vyzvaleńnia zakładnikaŭ, rašeńnia prablemy biežancaŭ i humanitarnych pytańniaŭ. «Važna praduchilić humanitarnuju katastrofu», — padkreśliŭ Łukašenka.
Akramia taho, udzielniki sustrečy abmierkavali mahčymyja ryzyki dla Rasii ŭ suviazi z padpisanym pahadnieńniem ab asacyjacyi pamiž Ukrainaj i ES, a taksama nadali ŭvahu «prablemam u enierhietyčnaj śfiery jak pa tranzicie, tak i pastaŭkach».
«Upieršyniu na takim vysokim uzroŭni adbyŭsia dyjałoh dvuch najmahutnych na jeŭrapiejskim kantyniencie abjadnańniaŭ (MS i ES)», — skazaŭ Łukašenka.
Jon taksama paviedamiŭ, što sustrečy kantaktnaj hrupy ŭ farmacie Ukraina — Rasija — ABSIE buduć prachodzić u Minsku na rehularnaj asnovie. Takaja prapanova była ŭniesiena Piatrom Parašenkam, i ź im pahadzilisia ŭsie baki.
«Usie pahadzilisia z prapanovaj prezidenta Ukrainy ab tym, kab zrabić Minsk rehularnaj placoŭkaj dla kantaktnaj hrupy pa Ukrainie», — skazaŭ Łukašenka.
Pavodle jaho słoŭ, Piatro Parašenka nastojvaŭ, kab ekśpierty sustrelisia ŭžo zaŭtra. Pry hetym Łukašenka nie staŭ udakładniać, ci adbudziecca 27 žniŭnia sustreča hrupy.
Ciapier čytajuć
Što aznačaje rasśledavańnie Mižnarodnaha kryminalnaha suda dla Łukašenki i biełarusaŭ? Tłumačyć Kaciaryna Dziajkała7
Kamientary