Biełaruś 1 vieraśnia źniziła ekspartnyja pošliny na naftu i naftapradukty, što vyvoziacca za miežy mytnaj terytoryi Mytnaha sajuza (MS). Heta praduhledžana pastanovaj Savieta ministraŭ ad 27 žniŭnia 2014 hoda № 837, apublikavanaj na Nacyjanalnym pravavym internet-partale.
Tak, staŭka ekspartnaj pošliny na syruju naftu źnižanaja z 388,4 da 367,6 dołara za tonu. Pošlina na pramahonny bienzin i tavarnyja bienziny ciapier składaje 330,8 dołara za tonu (raniej 349,5), na lohkija, siarednija dystylaty — 242,6 dołara za tonu (256,3). Takaja ž staŭka pošliny dziejničaje na bienzoł, tałuoł, ksiłoły, mazut, zmazačnyja i inšyja masła, adpracavanyja naftapradukty, vazielin i parafin, naftavy koks (akramia kalcynavanaha) i bitum.
Pošlina na dyzielnaje paliva źnižanaje z 252,4 da 238,9 dołara za tonu, na zvadkavanyja vuhlevadarodnyja hazy jana pavialičanaja z 147,4 da 221 dołara za tonu.
U miežach dahavoraŭ ab MS i Adzinaj ekanamičnaj prastory Rasija pastaŭlaje ŭ Biełaruś naftu i naftapradukty biez ekspartnych pošlin. Pošliny vypłačvajucca ŭ rasijski dziaržbiudžet pry ažyćciaŭleńni Biełaruśsiu reekspartu hetych tavaraŭ za miežy MS abo ekspartu naftapraduktaŭ, vypracavanych z rasijskaj nafty. Pamiery ekspartnych pošlin na naftu i naftapradukty ŭstanaŭlivajucca ŭzhodniena ŭradami Rasii i Biełarusi.
U dzień, kali pamiłavali palitviaźnia Daronina, jahonaj žoncy prysudzili 8,5 hadoŭ kałonii za ŭdzieł u dvarovym čacie6
Kamientary