Maładziečanski načny kłub prapanuje hadavy abaniemient za fota i videa, na jakim ty «žariš» jaje ŭ prybiralni
Maładziečanski načny kłub «Kłab» pravodzić davoli niezvyčajnuju i supiarečlivuju PR-akcyju.
Niadaŭna ŭ supołcy kłuba «Ukantakcie» źjaviłasia paviedamleńnie (punktuacyja aryhinała zachavanaja): «Heta nie žart. Pryjšli na …@… ananimna fota ci videa jak ty smažyš jaje ŭ WC za lepšaje fota ci videa Klab doryć tabie biaspłatny ŭvachod ciaham hoda».
Paśla źjaŭleńnia infarmacyi ab akcyi «Kłaba» ŭ ŚMI z supołki kłuba prybrali abviestku, a ŭ stužcy źjaviłasia videa, u jakim dyrektar kłuba pryznaje pamyłku svajho kalektyva i nibyta zvalniajecca.
«NN» źviazałasia z Natallaj Filistovič, adkaznaj za suviazi z hramadskaściu kłuba.
Natalla patłumačyła, što paviedamleńnie ab akcyi sapraŭdy było, adnak supracoŭniki kłuba raźličvali na skandalny pijar praz samu abviestku, a nie na toje, što chtości sapraŭdy dašle niejkija fatazdymki ci videaroliki.
Filistovič kaža, što pravaachoŭnyja orhany kłubam z nahody akcyi nie cikavilisia: «Tak, za takoje moža być i kryminalnaja adkaznaść, adnak usio možna abyhrać. U paviedamleńni nie ŭkazana, što heta musiać być chłopiec ci dziaŭčyna».
Nadzvyčaj pošłaja interprytacyja akcyi aburyła i niekatorych internaŭtaŭ. Zrešty, niekatoryja paprakali kamientataraŭ, što im na rozum adrazu prychodzić tolki seks, a ŭ supraćvahu vykładvali fatazdymki bulby na patelni nad unitazam ci manhała ŭ vańnie.
Dy i dasłać fatazdymki na adras, ukazany ŭ paviedamleńni ab akcyi, niemahčyma: skrynia …@… nie isnuje.
Zvalnieńnie dyrektara taksama vyjaviłasia niesapraŭdnym. Filistovič patłumačyła, što videa sa zvalnieńniem — častka pijar-kampanii, i prapanavała sačyć za navinami ŭ supołcy kłuba.
Biełarusy sustrakajuć vyzvalenych palitviaźniaŭ u Vilni FOTY i VIDEA3
Kamientary