Pradstaŭniki rasijskaj intelihiencyi vystupili z zajavaj suprać vajny ŭ Ukrainie «Spynić rasiejskuju ahresiju!».
Zajava Kanhresa intelihiencyi suprać vajny, samaizalacyi Rasii i restaŭracyi tatalitaryzmu apublikavana na sajcie «Novaj haziety».
«Usio bolš i bolš dakładnych źviestak ab znachodžańni vojskaŭ Rasijskaj Fiederacyi na terytoryi Ukrainy i ich udziele ŭ bajavych dziejańniach. Usio bolš i bolš tajemnych, ananimnych pachavańniaŭ rasijskich hramadzian, vajskoŭcaŭ, jakija zahinuli na terytoryi Ukrainy, — haniebnych i abraźlivych», — skazana ŭ zajavie.
«Siońnia na nas, hramadzianach Rasii, lažyć adkaznaść za budučyniu. My dapuścili da ŭłady palityčny režym, jakija razharnuli ahresiju, i my pavinny zrabić usio mahčymaje, kab spynić Treciuju suśvietnuju vajnu, prałoh da jakoj, mahčyma, užo siońnia razyhryvajecca va Ukrainie. Kanhres intelihiencyi paŭstaŭ na chvali pratestaŭ suprać anieksii Kryma. Na žal, našy najhoršyja čakańnia paćvierdzilisia», - adznačyli ŭ zajavie.
Kanhres intelihiencyi patrabuje ad prezidenta Rasii nieadkładna spynić ahresiju suprać Ukrainy; ad uładaŭ Rasiei — rasśledavać vypadki hvałtu i zapałochvańnia ŭdzielnikaŭ antyvajennaha ruchu; ad kiraŭnictva fiederalnych televizijnych kanałaŭ — spynić ahresiŭnuju prapahandu suprać Ukrainy i krain Zachadu, što sieje nianaviść pamiž narodami; dać efirny čas dla vykładańnia alternatyŭnaj pazicyi z nahody padziej u Ukrainie.
Na dadzieny momant zajavu padpisali bolš za 120 dziejačaŭ, siarod ich Ludmiła Alaksiejeva, Ludmiła Ulickaja, Leŭ Panamaroŭ, Andrej Makarevič, Uładzimir Vajnovič dy inšyja.
U čym pryčyna niezadavolenaści žycharoŭ mikrarajona Lebiadziny ŭ Minsku? Voś što nasamreč tam płanavali budavać6
Kamientary