Novy ŭłaśnik «Centralnaha»: «Na miescy ŭniviersama nie budzie kazino, a voś barnuju stojku zakryjuć»
Ad pjanych naviedvalnikaŭ płanujuć pazbavicca vysokimi cenami na ałkahol.
Učora, 9 vieraśnia, u internecie źjaviłasia infarmacyja pra zapłanavanuju na nastupny dzień zabastoŭku rabotnikaŭ minskaha ŭniviersama «Centralny».
Nibyta supracoŭnikaŭ nie zadavalniaje ŭzrovień zarobkaŭ, jakija źmienšylisia paśla prychodu novaha ŭłaśnika. Aproč taho, užo bolš za miesiac u Minsku z vusnaŭ u vusny pierakazvajecca lehienda, što zamiest univiersama adkryjecca kazino i restaran. Što z hetaha praŭda, a što nie?
Sustreča niezadavolenych rabotnikaŭ «Centralnaha» z pradstaŭnikom novaha haspadara pačałasia siońnia a 8:30. Jak vyśvietliłasia, praviadzieńnie zabastoŭki ŭsurjoz nichto nie razhladaŭ, u 9:00 univiersam pačaŭ pracu pa zvykłym hrafiku.
Paśla sustrečy z kalektyvam pradstaŭnik novaha haspadara pahadziŭsia adkazać na pytańni žurnalistaŭ. Nazyvać svajo imia, a taksama imia ŭłaśnika jon nie staŭ, adnak abvierh infarmacyju ŭ internecie nakont suviazi jahonaj kampanii z handlovym centram «Sakret» u Homieli.
Jak tłumačyli supracoŭniki, u apošnija miesiacy ich zarobki ŭpali na 15-25%. U siarednim kožny staŭ zarablać na 1 miljon rubloŭ mienš.
Pradstaŭnik ułaśnika tłumačyć heta siezonnym źnižeńniem prybytkaŭ – u lipieni i žniŭni krama zaŭždy maje mienš pakupnikoŭ. Aproč taho, źmianiłasia i sistema naličeńnia bonusaŭ. Naprykład, raniej usie rabotniki ŭniviersama niezaležna ad abjomu i jakaści vykananaj pracy atrymlivali fiksavanuju premiju. Ciapier ža kampanija pierachodzić na indyvidualnuju sistemu naličeńnia hrošaj.
Paŭstała pytańnie i pra razduty štat – ahułam u «Centralnym» pracuje bolš za 500 čałaviek! Nichto nie chavaje – niezadavolenyja novaj sistemaj pracy mohuć zvalniacca. Praŭda, na dadzieny momant zajavy ab sychodzie napisali tolki troje čałaviek.
«Centralny» čakajuć pieramieny, adnak nie kardynalnyja. Naprykład, buduć pašyranyja handlovyja płoščy, ź ciaham času budzie zamieniena aśviatleńnie.
Pradstaŭnik ułaśnika abvierh infarmacyju pra stvareńnie na miescy ŭniviersama kazino i restarana. A voś ad pjanych naviedvalnikaŭ kala barnaj stojki – kultavaha miesca ŭ centry Minska – płanujuć pazbavicca. Vyhlad takich pakupnikoŭ, a taksama ich pach adšturchoŭvajuć ad «Centralnaha» inšych naviedvalnikaŭ.
Pradstaŭnik ułaśnika nazvaŭ dva mahčymyja šlachi vyrašeńnia hetaj situacyi. Naprykład, mohuć być uźniatyja ceny na ałkahol u bary, kab adsiejać niepažadanych klijentaŭ. Albo prodaž ałkahola budzie całkam pieraniesieny ŭ handlovy zał, kab pakupniki mahli ŭžyć jaho tolki pa-za miežami ŭniviersama.
Jašče niekalki hadoŭ tamu cikavaść da «Centralnaha» prajaŭlaŭ «Rubloŭski». Ci źbirajecca novy ŭłaśnik dałučycca da niejkaj z handlovych sietak? Heta kamiercyjnaja tajamnica.
-
U Bierazinie pračnulisia pčoły. Dziaŭčynka, jakaja ich pabačyła, skaryła tyktok
-
«Biełarusy i ŭ Dubai biełarusy». Jak suajčyńniki arhanizavali dapamohu tym, chto nie moža viarnucca damoŭ praz zakrytaje nieba
-
«Pad kaniec adpačynku daviedalisia, što tut niama schoviščaŭ». Biełarusy, što znachodziacca ŭ AAE, raskazali, jak im tam ciapier
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii12
Kamientary