Nacbank: Praz ARIP možna apłačvać charčavańnie i hurtki va ŭstanovach adukacyi
Praz aŭtamatyzavanuju infarmacyjnuju sistemu adzinaj raźlikovaj i infarmacyjnaj prastory (ARIP) možna apłacić charčavańnie, hurtki va ŭstanovach adukacyi i inšyja pasłuhi, jakija padklučany da ARIP.
Ab hetym paviedamiła namieśnik načalnika hałoŭnaha ŭpraŭleńnia ARIP — načalnik upraŭleńnia raźvićcia ARIP Nacyjanalnaha banka Biełarusi Taćciana Tarajkovič.
Jana nahadała, što ŭ hetym navučalnym hodzie ŭ baćkoŭ školnikaŭ źjaviłasia mahčymaść unieści płatu za padručniki ŭ lubym z 27 bankaŭ bieznajaŭnym šlacham jak va ŭstrojstvach samaabsłuhoŭvańnia (infakijoski, bankamaty), tak i z dapamohaj sistem dystancyjnaha bankaŭskaha absłuhoŭvańnia (internet-bankinh, mabilny bankinh). «Mahčymaść zrabić apłatu ŭ ARIP za karystańnie padručnikami zabiaśpiečana praktyčna ŭsimi rajonnymi ŭpraŭleńniami i adździełami adukacyi vykankamaŭ. Vyklučeńnie składajuć niekalki rajonaŭ u Viciebskaj i Minskaj abłaściach, dzie apłatu treba rabić u kasach bankaŭ», — udakładniła Taćciana Tarajkovič.
Śpiecyjalist rastłumačyła, jak unosić apłatu praz AIS «Raźlik» ARIP. Pry bieznajaŭnaj apłacie ŭ Minsku i abłasnych centrach płacielščyk samastojna vybiraje punkty mieniu ŭ takoj paśladoŭnaści: adukacyja i raźvićcio -> dziciačyja sady, škoły -> adździeł (upraŭleńnie) adukacyi -> rajon horada -> pasłuha «padručniki», raskazała jana. Dla žycharoŭ rajonnych centraŭ schiema jašče praściejšaja. U sistemie «Raźlik» im dastatkova zajci ŭ raździeł adukacyja i raźvićcio -> adździeł adukacyi i pierajści da patrebnaj pasłuhi. Pa takim šlachu možna ŭnieści płatu za charčavańnie, hurtki i inšyja pasłuhi va ŭstanovach adukacyi, dadała Taćciana Tarajkovič. Pry ažyćciaŭleńni płaciažoŭ treba paznačać asabovy rachunak vučnia abo numar (nazvu) škoły, piersanalnyja danyja, sumu płaciažu. Na ekranach jość nieabchodnyja padkazki dla płacielščyka.
«Ček, vydadzieny lubym bankam, jaki prymaje płaciažy ŭ ARIP, maje numar apieracyi, tym samym paćviardžajecca fakt ažyćciaŭleńnia płaciažu. Płacielščyku nie treba pradjaŭlać ček va ŭstanovu adukacyi, pakolki na nastupny bankaŭski dzień paśla praviadzieńnia apłaty infarmacyja ab jaho płaciažy budzie pieradadziena ŭstanovie ŭ elektronnym vyhladzie», — adznačyła namieśnik načalnika hałoŭnaha ŭpraŭleńnia Nacbanka.
Taćciana Tarajkovič źviarnuła ŭvahu, što apłatu za padručniki možna ŭnosić da 1 kastryčnika i paraiła baćkam u metach ekanomii času zrabić apłatu bieznajaŭnym šlacham abo prymierkavać jaje da času apłaty svaich štomiesiačnych płaciažoŭ za kamunalnyja i inšyja pasłuhi.
Kamientary