Jak by reahavała na padziei 8 vieraśnia 1514 hoda internet-supolnaść? Sprabujem madelavać.
Buhahašańki: Zapasajemsia papkornam! #hietmanAstrožski rašyŭ pavajavać. Zamiest taho, kab siadzieć pad vienikam u Barysavie razam z karalom Žyhimontam, pajšoŭ nasustrač maskoŭcam.
Barysaviec: Ja bačyŭ hety dźviž – išli da vakzała. Fihnia niejkaja, a nie vojska. Try z pałovaj čałavieki i harmaty iržavyja.
Riealist: A maskavitaŭ tym časam – 80 tysiač. Fotki tut: #vielikijkniaźmoskovskij, #žitijemoje
Webdesign: Jany tam što – fatašopam nie karystajucca? Fotki praŭlenyja ŭ Vardzie.
Khan Girey MC: U Ardzie? Pryčym tut Arda? Ja ŭvohule ŭ hety kipiš nie lezu.
Sigismundus Rex: Aha, ty hladziš, čym skončycca.
Khan Girey MC:;)
Patryjot: Blin, zlosc razbiraje. I kamu davieryli kamandavac! Hety Astrozhski navat na bielaruskaj movie nie razmaulaje, na niejkaj trasiancy! Jak jon moza kahosci pieramahchy, kali karystajecca kirylicaj?!
Abaznany: Astrožski robić pamyłku za pamyłkaj! Voś asnoŭnaje zanatavaŭ:
1) Jaho vojska jedzie na koniach, a treba iści pieššu, inačaj koni stomiacca i ad ich nie budzie tołku padčas bitvy. Darečy, i harmaty lepš, kab ciahnuli ludzi.
2) Jon abraŭ niepravilnuju paru hoda: uvosień časta byvaje doždž, ad jaho mohuć paržavieć daśpiechi i adsyreć porach.
3) Nie znaju, što ŭ jaho z pravijantam, ale arhanizmu pry vialikich fizičnych nahruzkach NIEABCHODNYJA vitaminy: avakada, manha, piersikavy sok.
4) Hłupa sustrakać maskavitaŭ na miažy: lepš davać hienieralnuju bitvu pad Vilniaj, tady matyvacyja ŭ vojska budzie vyšejšaja. A maskavity stomiacca, abrabavaŭšy pałovu Biełarusi.
5) I ŭvohule, hienieralnaja bitva – hłupstva. Lepiej napadać małymi atradami i zdavacca ŭ pałon. A potym usim razam razarvać viaroŭki, zachapić zbroju i niečakana napaści na voraha!
2Abaznany: A ty sam choć raz na vajnie byŭ?
Abaznany: Možna padumać,mnie jość čas.
Riealist: Maskavitaŭ nielha pieramahčy. I viadzie sam Čaladnin! Treba addavać Smalensk i Połack.
Čieladnin: Včiera na možajskom bozarie podchodit ko mnie chołop, łožyt v ruku 20 pieniaziej i hovorit, čtoby ja kupił odnu kolčuhu. I takaja vsia Moskovija. Pobidim!
miša: Słava Moskovii! Słava Čieladninu-osvoboditielu!
Pacyfist: U krainy – hihanckaja zamiežnaja pazyka, a karol Žyhimont zamiest taho, kab refarmavać ekanomiku, pravakuje kanflikty na pustym miescy z Vasilom III. Lepš by realizoŭvaŭ ekałahičnyja prajekty!
miša: začiem nam, žitielam biełomoskovii, smolensk? Vied́ eto iskonnaja moskovskaja ziemla – kak pro nieje puškin napišiet: moskovskich stien starinnyj ŝit. i voobŝie – my odin narod!
Vałacuha 2miša: Heta ty, trol kazielski? Dźvie kapiejki za post, novy zipun za pierapost?
Buhahašańki: Naviny z paloŭ! Astrožski pierachodzić Krapiŭnu! Fotki tut: #jury_radzivil
Abaznany: Idyjoty! Treba było pieralatać jaje na pavietranych šarach, kab koni nie stamilisia!
Aršanka: mała taho, što miesca vybraŭ niapravilna, jašče i vojska ŭ bałota honić. Maskavity jaho razdušać, jak kłapa.
Vasil: Kniaź Kanstancin – maskoŭski špijon. Ja dakładna viedaju! Pa-pieršaje, pravasłaŭny. Pa-druhoje, nu padumajcie: jak možna było ŭciačy z maskoŭskaha pałonu? Jamu jaŭna dapamahli
Khan Girey MC:
____________
Pa-pieršaje, pravasłaŭny.
Ach, pryniaŭ by jon isłam! My b ź im takoje zamucili!
Vadim: #TupyjeLitviny prodołžajut ozadačivať: Ostrožskij zahnał vsiu artilleriju v maleńkij lesok v tyłu.
Vilenčuk: Mudazvon! Maskavity adnym macham zabiaruć usiu artyleryju!
Drab 2Vilenčuk: Jak zabiaruć? Jana ž u našym tyle.
Vilenčuk 2Drab: Abyduć z tyłu i zabiaruć!
Drab 2Vilenčuk: Jak abyduć — za nami ž raka…
Vilenčuk 2Drab: Pajšoŭ ty!!!!
Abaznany: Harmaty treba było vystaŭlać pierad frontam!
Vadim: Puški nužno było otdať moskovitam — im nužnieje.
Pacyfist: Maskoŭcam treba było vydać karala Žyhimonta! Tady i vajnie kaniec! Piiiis!
Čieladnin: Včiera na možajskom bazarie podchodit ko mnie chołop, łožit v ruku 50 pieniaziej i hovorit, čtoby ja kupił odnu kolčuhu. I takaja vsia Moskovija. Pobiedim!
Kanstancin Ivanavič: U toj kalčuzie ciabie, maskalik, i zakapajuć.
Buhahašańki: Nu paniasłasia! Pačali bicca. Anłajn-tranślacyja tut.
Abaznany: Nu chto TAK idzie ŭ ataku! Słoŭ niama! A koni! Koni jakija stomlenyja!
Vasil: Nu voś, što ja i kazaŭ – adstupajuć.
Radimyč: Vsie vy – žitieli Vilni v piervom pokolenii. Privykli kriestonościev dubinami łupiť v dierievniach. Kuda vam protiv vielikoho kniazia moskovskoho!
Aršanka: Usie mužčyny — słabaki!
Vadim: dažie otstupiť tołkom nie mohut – brosiliś kto kuda vrassypnuju. Pravilno pro nich Łobin napišiet.
Vasil: I, jak vynik, my ŭsie ŭ dupie: maskoŭcy raźbivajuć Astrožskaha i zabirajuć usie har… Pačakajcie — što adbyvajecca???????
Kamientary