Pryniataje rašeńnie ab pieranosie z centra Minska abutkovaha AAT «Pramień», paviedamiŭ 30 vieraśnia na adkryćci ŭ stalicy mižnarodnaj vystavy-kirmašu «BiełTEKŚlehpram. Vosień» namieśnik staršyni kancerna «Biellehpram» Vikiencij Adamovič.
«Prapracoŭvajecca pytańnie ab pieranosie AAT «Pramień» na inšuju placoŭku. Jość niekalki varyjantaŭ dalejšaha vykarystańnia vyzvalenaj terytoryi, ale pakul nie vyznačanaje jaje pryznačeńnie. Adnak rašeńnie ab vynasie ŭžo pryniataje. Razhladajecca niekalki placovak — za MKAD abo na terytoryju, jakaja vyzvalicca paśla abjadnańnia AAT «Sukno» i AAT «Kamvol», — skazaŭ Adamovič.
U lipieni 2012 hoda z metaj vybaru lepšych inviestaraŭ dla dalejšaha raźvićcia chołdynha «Pramień» abviaściŭ konkurs. Umovy konkursu dla inviestaraŭ praduhledžvali: zaklučeńnie ź inviestaram dahavora ab sumiesnaj dziejnaści pa zabieśpiačeńni kompleksnaha raźvićcia pradpryjemstvaŭ chołdynha, budaŭnictva novaha pramysłovaha abutkovaha kompleksu mahutnaściu 6 młn. par, pryciahnieńnie pramych inviestycyj nie mienš jak 2 młn. dołaraŭ ZŠA za košt prodažu pakieta akcyj pa rynkavym košcie nie nižej za naminał, davańnie inviestaram metavaj pazyki dla finansavańnia budaŭnictva novaha pramysłovaha kompleksu nie mienš jak 40 młn. dołaraŭ ZŠA pa staŭcy LIBOR plus nie bolš za 4% hadavych na termin da 15 hadoŭ. Pavodle vynikaŭ konkursu było padrychtavanaje pahadnieńnie z kitajskaj kampanijaj Foshan Nanhal Chengming Trade Co., Ltd. Pahadnieńnie na hety momant nie padpisanaje.
Pradpryjemstva «Pramień» było ŭtvoranaje ŭ 1924 hodzie, akcyjanavanaje ŭ 1994-m. U skład AAT uvachodziać abutkovyja pradpryjemstvy «Sivielha», «Otyka», «Čaŭlar» i «Rejlit».
-
Dalnabojščyki zarablajuć šmat, ale kali iduć na piensiju abo pa kredyt, to vyjaŭlajecca, što nie ŭsio tak radasna
-
Novaje pakaleńnie hiendyrektaraŭ: moładź i daloka nie «krepkija chaziajśćvieńniki» masava ŭznačalvajuć tryljonnyja biznesy
-
Nie tolki Hrodna. Stała viadoma, u jakich jašče haradach Biełarusi źjavicca taksi Bro Car
Ciapier čytajuć
Łukašenka niezadavoleny vice-premjerkaj Natallaj Piatkievič — «buksuje»21
Kamientary