Nadyšła čarha frystajłu i fihurnaha katańnia.
U pieršaj pałovie dnia na Alimpijadzie ŭ Miłanie projdzie kvalifikacyja ŭ łyžnaj akrabatycy ŭ žančyn.
Kvalifikacyjnyja skački projduć u dva etapy: u 13:15 i paźniej.
Biełaruś pradstaŭlena tryma frystajlistkami: Hannaj Huśkovaj, Hannaj Dziaruhaj i Anastasijaj Andryjanavaj.
Jany vystupiać u pieršaj kvalifikacyi. Hanna Dziaruha vystupić druhoj, Hanna Huśkova — 12-j, a Anastasija Andryjanava — 22-j.
Usiaho ŭdzielničaje 25 spartsmienak. U finał projduć tolki tyja, chto ŭvojdzie ŭ top-6.
Kab trapić u finał, što projdzie zaŭtra (13:30), treba skoknuć u top-6
Biełaruś pryvoziła miedali ŭ frystajle z kožnaj Alimpijady, pačynajučy z 1998 hoda.
U 1998 hodzie ŭ japonskim Nahana zavajavaŭ bronzu Dźmitryj Daščynski, jaki zaraz pracuje trenieram u zbornaj Aŭstralii.
Na Alimpijadach u 2010, 2014 i 2018 hadach biełarusy brali zołata (2010 — Alaksiej Hryšyn, 2014 — Ała Cupier i Anton Kušnir, 2018 — Hanna Huśkova).
Na Alimpijadzie ŭ Piekinie ŭ 2022 hodzie Hanna zavajavała srebra.
Viečaram projdzie karotkaja prahrama ŭ fihurnym katańni ŭ žančyn.
Viktoryja Safonava vyjdzie na lod pad pieršym numaram (20:45). Svabodnaja prahrama ŭ čaćvier.
U nieaficyjnym kamandnym zaliku ŭpeŭniena lidziruje, jak pa ahulnaj kolkaści miedaloŭ, tak i pa zołacie, Narviehija.
Haspadynia spabornictvaŭ Italija idzie na druhim miescy. Biełaruś pakul nie maje miedaloŭ.
Kamientary
Kak zvučit-to, hordo, SIEHODNIA, AŽ ČIETYRIE, sportsmiena vystupiat na Olimpiadie iz Biełarusi.....
STYDOBA !!!!