Supracoŭniki rehijanalnaha ŭpraŭleńnia Raśsielhasnahladu nie puścili ŭ Kalininhradskuju vobłaść bujnyja partyi cybuli i bulby ź Biełarusi.
U pryvatnaści, jak paviedamlaje pres-słužba terytaryjalnaha ŭpraŭleńnia Raśsielhasnahladu, padčas praviadzieńnia fitasanitarnaha kantrolu na pastu «Čarnyšeŭskaje» śpiecyjalisty vyjavili parušeńnie patrabavańniaŭ pry ŭvozie partyi cybuli repčataj u kolkaści 20 ton ź Biełarusi. Ustanoŭlena, što na častcy ŭpakoŭki hruzu adsutničała markiroŭka ź infarmacyjaj ab najmieńni pradukcyi, krainie jaje pachodžańnia i eksparciory.
Taksama vyjaŭleny parušeńni ŭ afarmleńni fitasanitarnaha siertyfikatu pry ŭvozie partyi bulby ź Biełarusi vahoj 20 ton.
«U suviazi z vyjaŭleńniem istotnych parušeńniaŭ patrabavańniaŭ zakanadaŭstva ŭ śfiery karancinu raślin upraŭleńniem Raśsielhasnahladu pa Kalininhradskaj vobłaści pryniata rašeńnie ab viartańni hruzaŭ eksparcioram», — paviedamlaje rasijskaje viedamstva.
Rasija z 7 žniŭnia na hod abmiežavała impart šerahu tavaraŭ z krain, jakija ŭviali suprać jaje sankcyi, — ZŠA, dziaržaŭ ES, Kanady, Aŭstralii i Narviehii. U sankcyjny śpis trapili jałavičyna, śvinina, ryba, sadavina, aharodnina, ptuška, syry i małočnaja pradukcyja, arechi i inšyja pradukty.
Raśsielhasnahlad raniej zajaŭlaŭ, što płodaaharodninnaja pradukcyja z krain ES, u dačynieńni da jakoj Rasija ŭviała embarha, prasočvajecca na rasijski rynak praź Biełaruś.
Ciapier čytajuć
Z prajekta budaŭnictva minskaha mietro vykinuli jašče dźvie stancyi — «Kijeŭski skvier» i «Politechničnuju»5
Z prajekta budaŭnictva minskaha mietro vykinuli jašče dźvie stancyi — «Kijeŭski skvier» i «Politechničnuju»
Aktor Toŭścikaŭ: Na pakazie, kali pryjšli zbolšaha rasijskija hledačy — publika śmiajałasia. A kali byli biełarusy, Cichanoŭskaja — stajała poŭnaja cišynia11
Kamientary